சினிமா செய்திகள்
சர்வம் தாளமயம் டிரைலர் ரிலீஸ்!
பீட்டருக்கு கர்நாடக சங்கீதத்தின் மீது ஏற்படும் காதலும், ஆனால், அவன் வேறு மதம் என்பதால், அவனுக்கு ஏற்படும் எதிர்ப்புகளும், அவற்றை மீறி பீட்டர் எப்படி மிகப்பெரிய இசை ஆளுமையாக மாறுகிறான் என்பதை கருவாக வைத்து ராஜீவ் மேனன் இயக்கியுள்ள சர்வம் தாளமயம் படத்தின் டிரைலர் நேற்று வெளியாகி வைரலாகி வருகிறது.
ஜி.வி. பிரகாஷ் குமாருக்கு இந்த படம் சிறந்த மைல்கல்லாக அமையும் என்பதில் சந்தேகமே இல்லை. ஏ.ஆர் ரஹ்மானின் இசையில், பின்னணி இசை மற்றும் பாடல்கள் அற்புதமாக வந்து இருக்கின்றன.
சொல்லப்போனால், ஏ.ஆர். ரஹ்மானின் வாழ்க்கையை பார்த்து இன்ஸ்பயராகி தான் ராஜீவ் மேனன் இப்படியொரு கதையை உருவாக்கி இருக்கிறார் என்றே தோன்றுகிறது.
இந்த படமும் வரும் பிப்ரவரி 1ம் தேதி ரிலீசாகிறது. டிசம்பருக்கு பிறகு பிப்ரவரி 1ம் தேதியன்று பல பெரிய படங்கள் மீண்டும் போட்டியிடுவது குறிப்பிடத்தக்கது.