‘சர்கார்’ திரைப்படத்தின் கதை திருடப்படவில்லை.. திரைக்கதை எழுத்தாளர் ஜெயமோகன் விளக்கம்!

விஜய் நடிக்கும் படங்கள் அனைத்திற்கும் தொடர்ந்து கதை திருட்டு என்று புகார் எழுந்து வரும் நிலையில் தீபாவளிக்கு ரிலீஸாக இருக்கும் சர்கார் திரைப்படத்தினை அது விட்டு வைக்கவில்லை.

இந்நிலையில் சர்கார் திரைப்படத்திற்குத் திரைக்கதை எழுதிய ஜெயமோகன் தனியார் தொலைக்காட்சி ஒன்றுக்கு அளித்த பேட்டியில் ‘சர்கார் திரைப்படத்தின் கதை திருடப்பட்டதல்ல என்றும் கள்ள ஓட்டு என்ற ஒரு பிரபலமான ஒற்றை வரியை வைத்தே கதை உருவாக்கப்பட்டுள்ளது என்றும் ஜெயமோகன் தெரிவித்துள்ளார்.

விஜய் நடிப்பில் நவம்பர் 6ம் தேதி வெளியாக இருக்கும் சர்கார் திரைப்படத்தில் கீர்த்திச் சுரேஷ், வரலட்சுமி சரத்குமார், ராதாரவி மற்றும் பலர் நடித்துள்ள நிலையில், ஏ ஆர் முருகதாஸ் இயக்கியுள்ளார், ஏ ஆர் ரகுமான் இசை அமைத்துள்ளார் மற்றும் சன் பிக்சர்ஸ் தயாரித்துள்ளது.