சினிமா செய்திகள்
இரண்டாம் பாகமாகும் சமுத்திரக்கனியின் சூப்பர்ஹிட் படம்!
பிரபல நடிகர் மற்றும் இயக்குனர் சமுத்திரக்கனி நடித்து இயக்கிய சூப்பர் ஹிட் படம் ஒன்று இரண்டாம் பாகம் உருவாக இருப்பதாக தகவல்கள் வெளியாகியுள்ளன.
நடிகர் சமுத்திரகனி இயக்கி நடித்த திரைப்படம் ’அப்பா’. இந்த படத்தில் தம்பி ராமையா உள்ளிட்ட பலர் நடித்துள்ளனர் என்பதும் இந்த படம் கடந்த 2016-ம் ஆண்டு வெளியாகி மிகப்பெரிய வரவேற்பைப் பெற்றிருந்தது என்பது குறிப்பிடத்தக்கது.
முதல் பாகத்தில் நடித்த சமுத்திரகனி, தம்பி ராமையா உள்பட அனைவரும் இரண்டாம் பாகத்தில் நடிக்க இருப்பதாகவும் இந்த படம் குறித்த அதிகாரப்பூர்வ அறிவிப்பு விரைவில் வெளியாகும் என்றும் கூறப்படுகிறது. அதேபோல் இந்த படத்திற்கு இசைஞானி இளையராஜா இசையமைப்பார் என்று கூறப்படுகிறது.
முதல் பாகம் போலவே இரண்டாம் பாகத்தையும் சமுத்திரக்கனி வெற்றி படமாக உருவாக்குவாரா? என்பதை பொறுத்திருந்து பார்ப்போம்.