விஜய் டிவியில் வெளியாகிறது ‘ஏலே’ திரைப்படம்: முந்தைய நாளில் ஏற்பட்ட திடீர் மாற்றம்!

சமுத்திரக்கனி நடிப்பில் இயக்குனர் ஹலிதா ஷமீம் இயக்கிய ‘ஏலே’ திரைப்படம் நாளை முதல் திரையரங்குகளில் வெளியாக உள்ளதாக அறிவிக்கப்பட்டு அதற்கான புரமோஷன் பணிகள் நடந்தது. இந்த நிலையில் திரையரங்குகளில் திரைப்படங்களை வெளியிட்டால் 30 நாட்களுக்கு பின்னரே ஓடிடியில் வெளியிட வேண்டும் என திரையரங்கு உரிமையாளர்கள் கடிதம் எழுதி கேட்டனர். இது குறித்த பேச்சுவார்த்தை நடந்த நிலையில் பேச்சுவார்த்தையில் உடன்பாடு ஏற்படவில்லை. இதுகுறித்து இயக்குனர் பாரதிராஜா சற்று கடுமையான அறிக்கை ஒன்றை வெளியிட்டு இருந்தார் என்பதையும் பார்த்தோம்.

இந்த நிலையில் நாளை திரையரங்குகளில் ரிலீஸ் என்று அறிவிக்கப்பட்டிருந்த நிலையில் தற்போது திடீரென படக்குழுவினர் அதிரடி முடிவை எடுத்துள்ளனர். இதனை அடுத்து பிப்ரவரி 28ஆம் தேதி ‘ஏலே’ திரைப்படம் நேரடியாக விஜய் டிவியில் ‘ஏலே’ படம் ஒளிபரப்பு செய்வதற்கான ஒப்பந்தங்கள் கையெழுத்தாகி விட்டதாக படக்குழுவினர் தெரிவித்துள்ளனர்.

இது குறித்து படக்குழுவினர் வெளியிட்டுள்ள அறிக்கை ஒன்றில் கூறியிருப்பதாவது:

இயக்குனர்‌ ஹலிதா சமீம்‌ கூறியதாவது…

என்னுடைய “ஏலே” திரைப்படம்‌ மிகப்பெரும்‌ எண்ணிக்கையிலான பார்வையாளர்களை சென்றடையவுள்ளது என்பதில்‌ பெரும்‌ மகிழ்ச்சி. இயக்குநராக எனது பயணம்‌ ஆரம்பமாவதற்கு முன்னதாகவே “ஏலே” என்‌ மனதிற்கு நெருக்கமான படைப்பாக இருந்தது. தற்போது மிகப்பெரும்‌ வெளீயீடாக பெரும்‌ எண்ணிக்கையிலான ரசிகர்களை ஒரே நாளில்‌ என்‌ படம்‌ சென்றடைவதை, காண மிகுந்த மகிழ்ச்சியாக இருக்கிறது. இத்தகைய
புதிய தளத்தை மிகப்பெரும்‌ எண்ணிக்கையிலான ரசிகர்‌ கூட்டத்திடம்‌ உலகம்‌ முழுதும்‌ இத்திரைப்படத்தை வெளியிடும்‌ ஸ்டார்‌ விஜய்‌ தொலைக்காட்சிக்கு எனது நன்றிகள்‌.

ரிலையன்ஸ் எண்டர்டெயின்மெண்ட் நிறுவனத்தின் சி.இ.ஓ விபாசிஸ்‌ சர்கார்‌ கூறியதாவது…

“ஏலே” படம்‌ குடும்பங்கள்‌ கொண்டாடூம்‌ திரைப்படம்‌ ஆகும்‌. மனதை வருடம்‌ இந்த அழகான படைப்பினை பார்வையாளர்களின்‌ இல்லங்களுக்கே கொண்டு செல்வதில்‌ பெருமைகொள்கிறோம்‌. தொலைக்காட்சியின்‌ பலத்தையும்‌ அதன்‌ பிரமாண்டத்தையும்‌ நாங்கள்‌ புரிந்து கொண்டிருக்கிறோம்‌. ஸ்டார்‌ விஜய்‌ தொலைக்காட்சியுடன்‌ இந்த மிகப்பெரும்‌ திரைப்பட வெளியீட்டில்‌ பங்கு கொள்வதில்‌ மகிழ்ச்சி.

வால்வாட்சர் பிலிம்ஸ் சார்பில்‌ புஷ்கர்‌ & காயத்திரி கூறியதாவது…

ஒரு நல்ல சினிமா, அதன்‌ பார்வையாளர்களை ஏதாவது ஒரு வகையில்‌ கண்டிப்பாக சென்றடையும்‌ என்பதில்‌ எங்களுக்கு மிகுந்த நம்பிக்கை உள்ளது. இயக்குனர்‌ ஹலிதா சமீம்‌ இயக்கியுள்ள “ஏலே” திரைப்படம்‌ எங்களது வால்வாட்சர் பிலிம்ஸ் சார்பில்‌ உருவாகும்‌ முதல்‌ படைப்பு மேலும்‌ எங்களுக்கு மிகவும்‌ நெருக்கமான படைப்பு. மனதிற்கு இதமான இத்திரைப்படம்‌ அனைத்து ரசிகர்களையும்‌ எளிதில்‌ கவரும்‌. ஸ்டார்‌ விஜய்‌ உடைய நேரடியான தொலைக்காட்சி சிறப்பு திரையிடல்‌, இந்த அழகான திரைப்படத்தை உங்கள்‌ இல்லங்களுக்கே எடுத்துவரவுள்ளது. துணிவு மிகுந்த இந்த புதிய நடைமுறை படைப்பாளிகளுக்கும்‌ கதை சொல்லிகளுக்கும்‌ பல புதிய கதவுகளை திறக்கும்

seithichurul

See Full Bio