தொழில்நுட்பம்
சாம்சங் கேலக்ஸி எஸ்20 விற்பனையில் திடீர் திருப்பம்!
சாம்சங் நிறுவனம் கேலக்ஸி எஸ்20 சீரிஸ்களின் விற்பனையை திடீரென நிறுத்தியுள்ளதாகத் தகவல்கள் வெளியாகியுள்ளன.
சாம்சங் நிறுவனத்தின் அனைத்து ஸ்மார்ட்போன் மாடல்களுக்கும் நல்ல வரவேற்பு உள்ளது. குறிப்பாக இந்நிறுவனத்தின் ஒவ்வொரு சாதனமும் சிறந்த தொழில்நுட்ப வசதிகளை கொண்டுள்ளன.
கடந்த ஆண்டு சாம்சங் நிறுவனம் கேலக்ஸி எஸ்20 சீரிஸ் ஸ்மார்ட்போன் மாடல்கள் சர்வதேச சந்தையில் விற்பனைக்கு வந்தன. தற்போது கேலக்ஸி எஸ்20, எஸ்20 பிளஸ், எஸ்20 அல்ட்ரா போன்ற மாடல்கள் இந்தியாவில் விற்று தீர்ந்து விட்டது என சாம்சங் இந்தியா, ஐக்கிய ராஜ்ஜியம் மற்றும் சீனாவுக்கான அதிகாரப்பூர்வ இணையதளங்களில் வெளியிட்டுள்ளன.
மேலும் பழைய கேலக்ஸி எஸ்20 சீரிஸ் மாடல்களை வாங்க நினைத்த வாடிக்கையாளர்களையும் ஏமாற்றத்தை ஏற்படுத்தியுள்ளது. தற்போது மூன்றாம் தரப்பு விற்பனையாளர்கள் புதுப்பிக்கப்பட்ட கேலக்ஸி எஸ்20 சீரிஸ் யூனிட்களை விற்பனை செய்யக்கூடும்.
தற்போது சாம்சங் கேலக்ஸி எஸ்20 எப்இ மாடல் மட்டுமே அதிகாரப்பூர்வ வலைத்தளத்தில் விற்பனை செய்யப்பட்டு வருகின்றன. இந்த மாடல் அறிமுகமாகி சில மாதங்களே ஆகின்றன என்பது குறிப்பிடத்தக்கது.
