சினிமா செய்திகள்
ரூ.80 கோடியில் பண்ணை வீடு.. ரூ.100 கோடி அபார்ட்மெண்ட்.. சல்மான்கானின் நிகர சொத்து மதிப்பு இத்தனை ஆயிரம் கோடியா?
பாலிவுட் திரையுலகின் முன்னணி நடிகர்களில் ஒருவரான சல்மான்கானுக்கு 80 கோடி ரூபாய் பண்ணை வீடு மற்றும் 100 கோடி ரூபாய் மதிப்புள்ள கடற்கரை அருகே உள்ள அப்பார்ட்மெண்ட் வீடு ஆகியவை சேர்த்து அவருக்கு மொத்தம் 3,000 கோடி ரூபாய் சொத்து இருப்பதாக தகவல்கள் வெளியாகியுள்ளன.
நடிகர் சல்மான் கான் கடந்த 1999 ஆம் ஆண்டு ’மைனே பியார் கியா’ என்ற படத்தின் மூலம் இந்தி திரையுலகில் அறிமுகமாகி அதன் பிறகு அவர் பல வெற்றிப் படங்களை கொடுத்தார். அவர் நடித்த ’ஹம் ஆப்கே ஹைன் கோன்’ என்ற திரைப்படம் வருட காலத்தில் மும்பையில் உள்ள ஒரு தியேட்டரில் ஓடியது என்பது குறிப்பிடத்தக்கது.
பிக்பாஸ் நிகழ்ச்சியை தொகுத்து வழங்குவதில் மூலம் அவர் 200 கோடி ரூபாய் பெற்று வருவதாகவும் ஒரு படத்திற்கு அவர் 200 கோடி ரூபாய் சம்பளமாக பெற்று வருவதாகவும் கூறப்படுகிறது. அவரது படங்கள் வசூலில் சாதனை செய்து வருகின்றன என்பதும் அதனால் அவருக்கு சம்பளத்தை அள்ளி கொடுக்க பாலிவுட் தயாரிப்பாளர்கள் தயாராக உள்ளனர் என்பது குறிப்பிடத்தக்கது.
மேலும் சல்மான்கான் ரூ.2.26 கோடி மதிப்புள்ள லேண்ட்ரோவர் ரேஞ்ச் ரோவர் வோக், ரூ.1.80 கோடி மதிப்புள்ள டொயோட்டா லேண்ட் க்ரூஸர் உள்பட பல விலையுயர்ந்த கார்களை வைத்துள்ளார்.அவரது அறக்கட்டளையின் சொத்து மதிப்பு மட்டும் 325 கோடி ரூபாய் என்றும் கூறப்படுகிறது. மொத்தத்தில் அவரது சொத்து மதிப்பு ரூ.3000 கோடி என்று கூறப்படுவதால் பெரும் பரபரப்பு ஏற்பட்டுள்ளது.