சினிமா செய்திகள்
’தளபதி 66’: விஜய் அப்பா கேரக்டரில் நடிக்கின்றாரா எஸ்.ஏ.சி?
![vijay sac - Bhoomitoday](https://www.bhoomitoday.com/wp-content/uploads/2022/03/vijay-sac.jpg)
தளபதி விஜய் நடிக்கவிருக்கும் 66வது படத்தின் படப்பிடிப்பு இன்னும் ஒரு சில நாட்களில் தொடங்க இருக்கும் நிலையில் இந்த படத்தில் நடிக்கும் நட்சத்திரங்கள் மற்றும் தொழில்நுட்ப கலைஞர்களின் தேர்வு நடைபெற்று வருகிறது.
தளபதி 66 திரைப்படத்தில் நாயகியாக ராஷ்மிகா மந்தனாவும், வில்லனாக விவேக் ஓபராயும் நடிக்க இருப்பதாகவும் இந்த படத்திற்கு எஸ் தமன் இசையமைக்க இருப்பதாகவும் கூறப்படுகிறது .
இந்த நிலையில் இந்த படம் ஒரு குடும்ப சென்டிமென்ட் கலந்த ஆக்சன் படம் என்றும் இந்த படத்தில் விஜய்க்கு அப்பா அம்மா கேரக்டர் இருப்பதாகவும் கூறப்படுகிறது. இந்த நிலையில் விஜய்யின் அப்பா கேரக்டரில் எஸ்.ஏ.சியை நடிக்க வைக்க இயக்குனர் வம்சி ஆலோசனை கூறியதாகவும் அதற்கு விஜய் தரப்பில் இருந்து இன்னும் எந்த பதிலும் வரவில்லை என்றும் கூறப்படுகிறது.
விஜய் மற்றும் எஸ்.ஏ.சி இடையே கருத்து வேறுபாடு இருக்கும் நிலையில் இருவரும் பல ஆண்டுகளாக பேசாமல் இருப்பதாக கூறப்படுகிறது. இந்த படத்தின் மூலம் இருவரும் தங்களுடைய கருத்து வேறுபாடுகளை மறந்து ஒன்றாக நடித்து மீண்டும் குடும்பம் இணையும் ஒரு வாய்ப்பாக இந்த படம் இருக்கும் என இயக்குனர் வம்சி கருதுவதாக கூறப்படுகிறது.
ஆனால் விஜய்க்கு நெருக்கமான வட்டாரங்களில் இது குறித்து விசாரித்த போது விஜய் 66 படத்தில் எஸ்.ஏ.சி நடிப்பதாக எந்த பேச்சுவார்த்தையும் நடைபெறவில்லை என்றும் இது முழுக்க முழுக்க வதந்தி என்றும் கூறிவருகின்றனர்.