சினிமா செய்திகள்
ஹாலிவுட் படங்களுக்கு சவால் விடும் சாஹோ டிரைலர்!
மேட் மேக்ஸ் ஃபியூரி, ஃபாஸ்ட் அண்ட் ஃபியூரியஸ் உள்ளிட்ட பிரபல ஹாலிவுட் படங்களுக்கு சவால் விடும் அளவிற்கு நடிகர் பிரபாஸின் சாஹோ டிரைலர் பிரம்மாண்டத்தின் உச்சமாக உருவாகி உள்ளது.
தற்போது வெளியாகியுள்ள சாஹோ படத்தின் டிரைலர் தமிழ், தெலுங்கு, இந்தி என பல மொழிகளில் வெளியாகி இந்தியா முழுவதும் டிரெண்டிங் நம்பர் ஒன் இடத்தை பிடித்துள்ளது.
ஷங்கர், ராஜமெளலி போன்ற பிரம்மாண்ட இயக்குநர்களின் வரிசையில் இயக்குநர் சுஜித்தும் இடம்பிடித்துள்ளார் இந்த படத்தின் மூலமாக என்று சொன்னால் அது மிகையல்ல.
யுவி கிரியேஷன்ஸ் தயாரிப்பில் 300 கோடி ரூபாய் பட்ஜெட்டில் உருவாகியுள்ள சாஹோ படத்தில் பிரபாஸுக்கு ஜோடியாக பாலிவுட் நடிகை ஷ்ரத்தா கபூர் நடித்துள்ளார்.
தமிழ் ரசிகர்களை கவர அருண் விஜய் இந்த படத்தில் முக்கிய வேடத்தில் நடித்துள்ளார். மேலும், ஜாக்கி ஷெராஃப் உள்ளிட்ட நட்சத்திர நடிகர்கள் இந்த படத்தில் இடம்பிடித்துள்ளனர்.
வரும் ஆகஸ்ட் 30ம் தேதி படம் வெளியாகவுள்ள நிலையில், பிரபாஸ் ரசிகர்களை கொண்டாட்ட மோடுக்கு இந்த டிரைலர் தற்போதிலுருந்தே கொண்டு சென்றுள்ளது.