தொழில்நுட்பம்
குவாட்-கோர் கேமராவுடன் பட்ஜெட் விலையில் வெளியான Redmi 9 Power!
ஷாவ்மி நிறுவனத்தில் லேட்டஸ்ட் பட்ஜெட் ஸ்மார்ட்போனாக வெளியாகியுள்ளது Redmi 9 Power. இந்த புதிய போனில் குவாட்-கோர் கேமரா, வாட்டர் டிராப் ஸ்டைல் டிஸ்ப்ளே உள்ளிட்ட பல்வேறு சிறப்பம்சங்கள் உள்ளன.
இந்த போனின் 4 ஜிபி ரேம் மற்றும் 64 ஜிபி சேமிப்பு வசதி கொண்ட வகை, 10,999 ரூபாய்க்கு விற்கப்படும் என்று ஷாவ்மி தெரிவித்துள்ளது. அதேபோல 4 ஜிபி ரேம் மற்றும 128 ஜிபி சேமிப்பு வசதி கொண்ட வகை, 11,999 ரூபாய்க்கு சந்தையில் கிடைக்கும் என்று தெரிவிக்கப்பட்டுள்ளது.
நீலம், பச்சை, சிவப்பு மற்றும் கருப்பு நிறங்களில் இந்த போன் கிடைக்கும். அமேசான் மற்றும் எம்ஐ.காம் தளங்களிலும், எம் ஸ்டோர்களிலும் இந்த போனை வாங்கிக் கொள்ள முடியும். வரும் 22 ஆம் தேதி முதல் ஆன்லைன் மூலம் இந்த போனை வாங்க முடியும். அதற்கடுத்ததாக விரைவில் ஆஃபைலன் ஸ்டோர்களிலும் போன் கிடைப்பது உறுதி செய்யப்படும்.
டூயல் நானோ சிம், ஆண்ட்ராய்டு 10 இயங்குதளம், 6.53 முழு எச்.டி+ டிஸ்ப்ளே, கொரில்லா கிளாஸ் 3 பாதுகாப்பு, குவால்கம் ஸ்னாப்டிராகன் 662 எஸ்ஓசி பிராஸசர், 4 ஜிபி ரேம் உள்ளிட்ட டெக் வசதிகளைப் பெற்றுள்ளது Redmi 9 Power. மேலும் பின்புற கேமராவைப் பொறுத்தவரை 48 மெகா பிக்சல் பிரைமரி கேமரா, 8 மெகா பிக்சல் செகண்டரி கேமரா, அல்ட்ரா வைடு ஆங்கிள் லென்ஸ், 2 மெகா பிக்சல் மேக்ரோ கேமராக்களை கொண்டுள்ளன. மேலும் 2 மெகா பிக்சல் டெப்த் சென்சாரும் பின்புறம் கொடுக்கப்பட்டுள்ளது. செல்ஃபிகளுக்காக 8 மெகா பிக்சல் முன்புற கேமராவும் உள்ளது. மேலும் 6,000 எம்ஏஎச் பேட்டரி மற்றும் 18W அதிவேக சார்ஜிங் வசதிகளையும் இந்த போன் பெற்றுள்ளது.
