சினிமா செய்திகள்
‘தளபதி 65’ படத்தில் எத்தனை ஹீரோயின்கள்..?- தட்டித் தூக்கிய ராஷ்மிகா மந்தனா..!
‘தளபதி 65’ படத்தில் ஏற்கெனவே ஒரு ஹீரோயின் கமிட் ஆகியதாக அதிகாரப்பூர்வமாக அறிவிக்கப்பட்ட நிலையில் புதிதாக நடிகை ராஷ்மிகா மந்தனாவும் இணைந்துள்ளார் எனத் தகவல்கள் வெளியாகி உள்ளன.
தெலுங்கு, கன்னடப் படங்களில் செம பிஸியான நடிகையாக வலம் வருகிறார் ராஷ்மிகா மந்தனா. தெலுங்கு திரைப்படங்கள் மூலமாகவே தமிழ் ரசிகர்களுக்கு நன்கு அறிமுகமான ராஷ்மிகா முதன் முறையாக நடிகர் கார்த்தியின் சுல்தான் படம் மூலமாகத் தான் தமிழ் சினிமாவிலேயே அறிமுகம் ஆக உள்ளார். இது போக இரண்டு பாலிவுட் படங்களிலும் ராஷ்மிகா நடிக்கத் தொடங்கி உள்ளார்.
போகும் இடங்களில், கொடுக்கும் பேட்டிகளில் எல்லாம் தளபதி விஜய் உடன் நடிப்பது தான் லட்சியம், ஆசை என சொல்லிச் சொல்லியே தற்போது தளபதி விஜய் படத்தைத் தட்டித் தூக்கியுள்ளார் ராஷ்மிகா. தளபதி 65 படத்தை சன் பிக்சர்ஸ் தயாரிக்க இயக்குநர் நெல்சன் திலிப் குமார் இயக்க உள்ளார். இந்தப் படத்துக்கான படப்பிடிப்பு வருகிற ஏப்ரல் மாதம் தான் தொடங்க உள்ளது. இந்தப் படத்தில் பூஜா ஹெக்டே நாயகி ஆக நடிப்பார் என ஏற்கெனவே அறிவிக்கப்பட்டுவிட்டது.
ஆனால், சமீபத்தில் ஹைதராபாத்துக்குச் சென்று நடிகை ராஷ்மிகாவை சந்தித்துப் பேசியுள்ளார் இயக்குநர் நெல்சன். இதனால் தளபதி 65 படத்தில் இரண்டாவது நாயகி ஆக ராஷ்மிகா நடிக்கலாம் என கோலிவுட்டில் செய்தி உலா வருகிறது.
