தமிழ்நாடு
ஜனவரி மாதம் கட்சி தொடக்கம்.. ஆன்மீக அரசியல் உருவாகுவது நிச்சயம்: ரஜினிகாந்த் அதிகாரப்பூர்வ அறிவிப்பு!
ஜனவரி மாதம் கட்சி தொடங்க உள்ளதாக, நடிகர் ரஜினிகாந்த் தனது டிவிட்டர் பக்கத்தில் அதிகாரப்பூர்வமாக அறிவித்துள்ளார்.
இரண்டு நாட்களுக்கு முன்பு ரஜினி மக்கள் மன்ற நிர்வாகிகளைச் சந்தித்துக் கலந்தாலோசித்த ரஜினிகாந்த், சீக்கிரம் அரசியல் கட்சி குறித்த அறிவிப்பை வெளியிடுவேன் என்று தெரிவித்து இருந்தார்.
இந்நிலையில் “ஜனவரியில் கட்சித் துவக்கம், டிசம்பர் 31-ம் தேதி அறிவிப்பு. வரப்போகிற சட்ட மன்றத் தேர்தலில் மக்களுடைய பேராதரவுடன் வெற்றி பெற்று, தமிழகத்தில் நேர்மையான, நாணயமான, வெளிப்படையான, ஊழலற்ற, ஜாதி மதச் சாயமற்ற ஆன்மீக அரசியல் உருவாக்குவது நிச்சயம். அற்புதம்… அதிசயம்… நிகழும் !!!” என்று ரஜினிகாந்த் தெரிவித்துள்ளார்.
மேலும், மாத்துவோம் எல்லத்தையும் மாத்துவோம், இப்போ இலேன்ன எப்பவும் இல்ல என்றும் ரஜினிகாந்த் ஹேஷ் டேக் உருவாக்கியுள்ளார். இந்த டேக் இப்போது இந்திய அளவில் டிரெண்ட் ஆகி வருகிறது.