தமிழ்நாடு
ரஜினி போட்டியிடும் தொகுதி இதுதானாம்!
வருவிருக்கும் சட்டமன்ற தேர்தலில் நடிகர் ரஜினிகாந்த களமிறங்கும் நிலையில், அவர் எந்த தொகுதியில் போட்டியிடுவார் என்பது குறித்து சில தகவல்கள் வந்துள்ளன.
மக்கள் சேவை கட்சி என்ற பெயரில் நடிகர் ரஜினிகாந்த் சட்டமன்ற தேர்தலில் போட்டியிடுகிறார். இதுவரையில் முதல்வர் வேட்பாளர், கூட்டணி இருக்குமா என்பது குறித்து அதிகாரப்பூர்வமாக அறிவிக்கப்படவில்லை.
இந்த நிலையில், ரஜினிகாந்த் சில தொகுதிகளில் போட்டியிட யோசித்து வருவதாகவும், இதுதொடர்பாக கட்சி நிர்வாகிகளிடமும் மூத்த தலைவர்களிடமும் ஆலோசனை நடத்தி வருவதாகவும் கூறப்படுகிறது.
அதன்படி, கிருஷ்ணகிரி மாவட்டம், வேப்பனஹள்ளி தொகுதியில் போட்டியிடலாம் என்று எதிர்பார்க்கப்படுகிறது. இங்கு ரஜினியின் சகோதாரர் அடிக்கடி சென்று மக்களையும், அதிகாரிகளையும் சந்தித்து வருகிறாராம்.
இதே போல் மதுரையிலும் ரஜினிகாந்த் போட்டியிடலாம் என்று கூறப்படுகிறது. காரணம் மதுரையில் தான் அவர் முதன்முதலாக மன்றத்தை தொடங்கியுள்ளார். எனவே, மன்றத்தின் மண்ணில் இருந்தே தனது அரசியல் பணியையும் தொடங்க ஆசைப்படுவதாக தகவல்கள் வந்துள்ளன.