சினிமா
ரெண்டு பேரும் சேர்ந்தா ஹிட்டுதான்… பிரபல இயக்குனருடன் கை கோர்க்கும் விஜய்…
நடிகர் விஜய் தற்போது சன் பிக்சர்ஸ் தயாரிப்பில் உருவாகி வரும் பீஸ்ட் படத்தில் நடித்து வருகிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது. இப்படத்தை கோலமாவு கோகிலா மற்றும் டாக்டர் ஆகிய படங்களை இயக்கிய நெல்சன் இயக்கி வருகிறார். இப்படத்தில் பூஜா ஹெக்டே கதாநாயகியாக நடித்து வருகிறார்.
இந்நிலையில், தடையற தாக்க, தடம், மிகாமன் உள்ளிட்ட சில திரைப்படங்களை இயக்கிய மகிழ் திருமேனி மாஸ்டர் படத்திற்கு முன்பே விஜய் சந்தித்து அவருக்கு 2 கதைகளை கூறியுள்ளார். இரண்டே கதைகளுமே விஜய்க்கு பிடித்துவிட நடிக்க ஆர்வமாக இருந்தார்.
ஆனால், ஏற்கனவே உதயநிதி ஸ்டாலினிக்கு ஒரு படத்தை இயக்க மகிழ் திருமேனி ஒப்புக்கொண்டிருந்தார். எனவே, தன் படத்தை முடித்து விட்டு அதன்பின் விஜய் படத்தை இயக்க செல்லுங்கள் என உதயநிதி ஸ்டாலின் கூறிவிட்டதால் விஜய் படத்தை அவரால் இயக்கமுடியவில்லை. மேலும், விஜயும் மாஸ்டர் படத்தை முடித்துவிட்டு தற்பொது பீஸ்ட் படத்தில் நடித்து வருகிறார்.
எனவே, அடுத்த படத்தில் இருவரும் இணைகிறார்களா என்பதை பொறுத்திருந்து பார்க்க வேண்டும். மகிழ் திருமேனி அருண் விஜயை வைத்து இயக்கிய தடம் திரைப்படம் அவருக்கு திருப்பு முனையாக இருந்தது குறிப்பிடத்தக்கது.ி