சினிமா செய்திகள்
ஷங்கர் உதவியாளர் இயக்கத்தில் நடிக்கின்றாரா ரஜினி?
![rajinikanth - Bhoomitoday](https://www.bhoomitoday.com/wp-content/uploads/2021/02/rajinikanth.jpg)
பிரமாண்ட இயக்குனர் ஷங்கரின் உதவியாளர் இயக்கும் ஒரு படத்தில் சூப்பர் ஸ்டார் ரஜினிகாந்த் நடிக்க இருப்பதாக கூறப்படுவது பெரும் பரபரப்பை ஏற்படுத்தி உள்ளது.
சூப்பர் ஸ்டார் ரஜினிகாந்த் தற்போது சிறுத்தை சிவா இயக்கி உள்ள ’அண்ணாத்த’ படத்தில் நடித்து முடித்துள்ளார். இந்த படத்தை அடுத்து அவர் தேசிங்கு பெரியசாமி இயக்கும் படத்தில் நடிப்பார் என்று கூறப்பட்டது. அதுமட்டுமின்றி கேஎஸ் ரவிக்குமார், கார்த்திக் சுப்புராஜ் உள்பட ஒரு சில இயக்குனர்கள் ரஜினியின் படத்தை இயக்கும் இயக்குனர்களின் பட்டியலில் உள்ளனர் என்பது குறிப்பிடத்தக்கது.
இந்த நிலையில் பிரம்மாண்ட இயக்குனர் ஷங்கரின் உதவியாளர் பிரபு என்பவர் ரஜினிக்காக ஒரு கதை வைத்திருப்பதாகவும் அந்த கதையை அவர் ரஜினியிடம் கூறி விட்டால் கண்டிப்பாக அடுத்த படம் இந்த படம்தான் என்றும் கூறப்பட்டு வருகிறது. கே பாலச்சந்தர் இயக்கிய ’தில்லு முல்லு’ படம் போல் முழுக்க முழுக்க நகைச்சுவை அம்சம் கொண்ட படம் என்றும் ரஜினியும் முழு ஒரு முழு நீள நகைச்சுவை படம் நடித்து பல வருடங்கள் ஆகிவிட்டதால் இந்த படத்தின் கதையை கேட்டால் அவர் கண்டிப்பாக நடிக்க ஒப்புக்கொள்வார் என்றும் கூறப்படுகிறது.
அமெரிக்காவில் இருந்து ரஜினிகாந்த் வந்ததும் அவரை நேரில் சந்தித்து கதையைச் சொல்ல பிரபு காத்திருப்பதாக கூறப்படும் நிலையில் அவருக்கு ரஜினி படத்தை இயக்கும் அதிர்ஷ்டம் கிடைக்குமா என்பதை பொறுத்திருந்து பார்ப்போம்.