தமிழ்நாடு
தேசிய கட்சிக்கு டாட்டா.. ரஜினியோடு இணைய போகும் முக்கிய புள்ளி!
சென்னை: தேசிய கட்சியை சேர்ந்த முக்கிய புள்ளி ஒருவர் நடிகர் ரஜினிகாந்த் தொடங்க போகும் கட்சியில் இணைய உள்ளதாக தகவல்கள் வருகிறது.
நடிகர் ரஜினிகாந்த் தற்போது அமெரிக்காவில் தங்கி உள்ளார். கடந்த வாரம் அவர் சென்னையில் இருந்து புறப்பட்டு அமெரிக்கா சென்றார்.
இந்த வாரம் முழுக்க அவர் நியூயார்க்கில் இருப்பார் என்று தெரிகிறது. அவரின் இந்த பயணத்திற்கு பின் சில முக்கிய காரணங்கள் உள்ளதாக தகவல்கள் வருகிறது.
இந்த அமெரிக்க பயணத்தில் அவர் முக்கிய தேசிய கட்சியின் பிரமுகர் ஒருவரை சந்திக்க உள்ளார். தேசிய கட்சி ஒன்றின் மாநில தலைவராக இருக்கும் பிரமுகரை ரஜினி சந்திக்க இருக்கிறார். இவர்கள் இருவரும் இதற்கு முன்பில் இருந்தே நல்ல நண்பர்கள் என்பதும் குறிப்பிடத்தக்கது.
