சினிமா செய்திகள்
அண்ணாத்த படப்பிடிப்பில் கெத்தாக அமர்ந்து இருக்கும் ரஜினிகாந்த்.. புகைப்படம் வைரல்!
அண்ணாத்த படப்பிடிப்பில் ரஜினிகாந்த் கெத்தாக அமர்ந்திருக்கும் புகைப்படம் சமூக வலைத்தளத்தில் வைரலாகி வருகிறது.
கோவிட்-19 காரணமாக அண்ணாத்த படப்பிடிப்பு கந்த 8 மாதங்களாக தடைபெற்று இருந்தது. இந்நிலையில் நேற்று தனி விமானம் மூலம் அண்ணாத்த படக்குழுவினர் ஹைதராபாத் கிளம்பினர்.
படப்பிடிப்பில் இன்று கலந்துகொண்ட ரஜினிகாந்த் வேஷ்டி சட்டையில் கெத்தாக அமர்ந்திருக்கும் புகைப்படம் வெளியாகியுள்ளது. அதை அவரது ரசிகர்கள் சமூக வலைத்தளங்களில் பகிர்ந்து வைரலாகி வருகின்றனர்.
அண்ணாத்த படப்பிடிப்பை ஜனவரி 10-ம் தேதிக்குள் முடிக்கக் கேட்டுக்கொண்டதாகக் கூறப்படுகிறது. எனவே கதையில் சில மாற்றங்கள் செய்துள்ளதாகக் கூறப்படுகிறது.
அண்ணாத்த படத்திற்கு கதை, திரைக்கதை அமைத்து சிறுத்தை சிவா இயக்குகிறார். ரஜினிகாந்த் உடன் கீர்த்தி சுரேஷ், நயன்தாரா, குஷ்பு, மீனா மற்றும் பலர் நடிக்கின்றனர். இமான் இசை அமைக்கிறார். சன் பிக்சர்ஸ் இந்த படத்தைத் தயாரித்து வருகிறது.
