வீட்டுக்கு வந்துவிட்டேன், நல்லபடியா இருக்கேன்: ரஜினியின் நெகிழ்ச்சி ஆடியோ

சூப்பர் ஸ்டார் ரஜினிகாந்த் அவர்கள் கடந்த நான்கு நாட்களுக்கு முன்னர் சென்னையில் உள்ள தனியார் மருத்துவமனையில் அனுமதிக்கப்பட்டு இருந்த நிலையில் நேற்றிரவே  அவர் டிஸ்சார்ஜ் ஆகி விட்டதாக தகவல்கள் வெளியாகியுள்ளன.

சூப்பர் ஸ்டார் ரஜினிகாந்த் அவர்கள் கடந்த சில நாட்களுக்கு முன்னர் உடல்நலக் கோளாறு காரணமாக சென்னை ஆழ்வார்பேட்டையில் உள்ள காவேரி மருத்துவமனையில் அனுமதிக்கப்பட்டு சிகிச்சை பெற்றார். அவருக்கு ரத்த திசுக்களில் குறைபாடு இருந்ததாகவும் அதனை சரிசெய்ய சிறிய அளவில் அறுவை சிகிச்சை நடந்ததாகவும் கூறப்பட்டது.

இந்த நிலையில் இன்று அதிகாலை ரஜினிகாந்த் டிஸ்சார்ஜ் செய்யப்படுவார் என ஏற்கனவே தகவல் வெளியான நிலையில் நேற்றிரவே அவர் டிஸ்சார்ஜ் செய்யப்பட்டதாக அறிவிக்கப்பட்டுள்ளது. மேலும் ரஜினிகாந்த் வீட்டுக்கு திரும்பி விட்டதாக தனது டுவிட்டர் பக்கத்தில் பதிவு செய்துள்ளார். அதுமட்டுமின்றி தனது மகள் சௌந்தர்யா உருவாக்கிய ’Hoote’ செயலில் ஆடியோ ஒன்றையும் அவர் வெளியிட்டுள்ளார்.

அந்த ஆடியோவில் ’நான் நலமாக இருக்கிறேன், நான் நலமுடன் இருக்க வேண்டும் என பிரார்த்தனை செய்த நல் உள்ளம் கொண்ட ரசிகப் பெருமக்களுக்கு எனது மனமார்ந்த நன்றியை தெரிவித்துக் கொள்கிறேன்’ என்று கூறியுள்ளார். இதனை அடுத்து ரஜினிகாந்த் உடல் நலம் பெற்று டிஸ்சார்ஜ் செய்துவிட்டது உறுதி செய்யப்பட்டுள்ளது என்பது குறிப்பிடத்தக்கது.

வீடு திரும்பிய ரஜினிகாந்த் அவர்களுக்கு அவரது மனைவி லதா ஆரத்தி எடுத்து வரவேற்றார் என தகவல்கள் வெளியானது. ரஜினிகாந்த் வீடு திரும்பி உள்ள செய்தி கேட்டதும் அவரது வீட்டின் முன் ரசிகர்கள் திரண்டு இருந்தனர் என்பதும் ரசிகர்கள் மிகுந்த உற்சாகத்துடன் அவரை பார்த்தவுடன் கையசைத்தனர் என்பதும் குறிப்பிடத்தக்கது. மேலும் அவர் வீடு திரும்பிய வீடியோவும் சமூக வலைதளங்களில் பரவி வருகிறது என்பது குறிப்பிடத்தக்கது.

இந்த நிலையில் ரஜினி நடித்த ’அண்ணாத்த’ திரைப்படம் வரும் 4ஆம் தேதி உலகம் முழுவதும் பிரமாண்டமாக வெளியாகவுள்ளது என்பதும் இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடத்தக்கது.

Returned home ???? https://t.co/35VeiRDj7b

— Rajinikanth (@rajinikanth) October 31, 2021