சினிமா செய்திகள்
ரஜினிகாந்த் பிறந்தநாளுக்கு ரிலீஸ் ஆகும் பாபா.. எத்தனை திரை அரங்குகள் தெரியுமா?
ரஜினிகாந்த் நடிப்பில் 2002-ம் ஆண்டு வெளியாகி அவருக்கு மிகப் பெரிய தோல்வி படமாக அமைந்த படம் பாபா.
பாபா படத்தின் கதையை எழுதித் தயாரித்த ரஜினிகாந்த்துக்கு இதனால் பெரும் இழப்பு ஏற்பட்டது. படத்தை பெரும் வாங்கி ரிலீஸ் செய்தவர்களும் பெரும் நட்டம் அடைந்தனர்.
தோல்வியை ஒப்புக்கொண்ட ரஜினிகாந்த், பாபா படத்தை ரிலீஸ் செய்து நட்டம் அடைந்தவர்களுக்கும் இழப்பீடுகளை வழங்கினார்.
ஆனால் ரஜினிகாந்த்துக்கு பிடித்த படங்களில் ஒன்றான இதனை, அவரது பிறந்தநாள் அன்று சென்னையில் ஒரு திரை அரங்கில் ரிலீஸ் செய்யலாம் என திட்டமிட்டு இருந்தனர்.
இது செய்தியாக வெளியாக ரஜினிகாந்த் ரசிகர்கள் பலருக்கு இந்த படத்தை பார்க்க வேண்டும் என எதிர்பார்ப்பை ஏற்படுத்திவிட்டது.
எனவே டிஜிட்டலில் மாற்றி பாபா திரைப்படத்தை உலகும் முழுவதும் ரீரிலீஸ் செய்ய திட்டமிட்டுள்ளனர். படத்தின் இசையை ஏ.ஆர்.ரகுமான் தானாக முன்வந்து மெருகேற்றி உள்ளார்.
மேலும் இப்போது பாபா திரைப்படம் உலகம் முழுவதும் 100 முதல் 150 திரை அரங்குகளில் டிசம்பர் 12-ம் தேதி ரிலீஸ் செய்யப்படும் என கூறப்படுகிறது.
ரஜினிகாந்த் தர்பார் படத்தைத் தொடர்ந்து இப்போது நெல்சன் இயக்கத்தில் ஜெயிலர் என்ற படத்தில் நடித்து வருகிறார்.