சினிமா
இதுவும் கடந்து போகும் – ரஜினி காந்த் கொரோனா குறித்து டிவிட்டரில் பதிவு
நேற்று தமிழ்ப் புத்தாண்டு கொண்டாடப்பட்ட நிலையில் நடிகர் ரஜினி காந்த் ட்விட்டரில் வீடியோ மூலம் வாழ்த்து கூறியதுடன் வெளிநாட்டில் இருக்கும் தமிழக மக்கள் பாதுகாப்பாக இருக்க வேண்டும் எனவும் கோரிக்கை விடுத்தார். அந்த வீடியோ தற்போது இணையத்தில் வைரலாகி வருகிறது.
”வெளிநாடுகளில் வாழும் தமிழக மக்களுக்கு இந்த புதிய ஆண்டு ஒரு இனிதான ஆண்டாக அமைய வேண்டும் என்று இறைவனிடம் வேண்டிக்கொள்கிறேன். கொரோனா வைரசால் முழு உலகமே பாதிப்பு அடைஞ்சிருக்கு… இதுக்கு இந்தியாவும், தமிழ்நாடும் விதி விலக்கல்ல. உங்களைப் பிரிந்து வாழும் உங்களது குடும்பத்தினருக்கும், உறவினர்களுக்கும் எப்போதும் உங்களைப் பற்றித்தான் சிந்தனை உள்ளது.
https://twitter.com/rajinikanth/status/1250016486174818307?s=20
நீங்கள் எந்த நாட்டில் வாழ்கிறீர்களோ அந்த நாடு விதித்துள்ள கட்டுப்பாடுகளை கடைபிடித்து உங்களை நீங்கள் பாதுகாத்துக் கொள்ளுங்கள். இதுதான் நீங்கள் உங்கள் உறவினர்களுக்கும், குடும்பத்தாருக்கும் நீங்க கொடுக்குற இந்த ஆண்டின் மிகப்பெரிய பரிசு. நலமுடன் வாழுங்க. கவலைப்படாதீங்க… இதுவும் கடந்து போகும்.”
இவ்வாறு ரஜினிகாந்த் தனது வீடியோ பதிவில் குறிப்பிட்டுள்ளார்.