தமிழ்நாடு
‘ராஜேந்திர பாலாஜி தோக்குறது உறுதி..!’- சொல்வது அதிமுக எம்.எல்.ஏ!!
![rajendra balaji - sattur mla rajavarman - Bhoomitoday rajendra balaji - sattur mla rajavarman](https://www.bhoomitoday.com/wp-content/uploads/2020/12/1-1-4.jpg)
தமிழக பால்வளத் துறை அமைச்சராக இருக்கும் ராஜேந்திர பாலாஜி, வரும் சட்டமன்றத்தில் தோற்பது உறுதி என்று கூறியுள்ளார் அதிமுக எம்.எல்.ஏ ராஜவர்மன். அதிமுக கட்சிக்குள்ளேயே அமைச்சருக்கு எதிராக கலகக் குரல் எழுந்துள்ளது பரபரப்பை ஏற்படுத்தியுள்ளது.
ராஜேந்திர பாலாஜிக்கும் ராஜவர்மனுக்கும் இடையில் கடந்த பல மாதங்களாக மோதல் இருந்து வருகிறது. குறிப்பாக ராஜவர்மன், ‘ராஜேந்திர பாலாஜி எனக்கு கொலை மிரட்டல் விடுத்துள்ளார். இதற்கான ஆதாரம் என்னிடம் உள்ளது’ என்று கூறி பரபரப்பை ஏற்படுத்தினார்.
இந்நிலையில் சாத்தூரில் ராஜேந்திர பாலாஜிக்கு எதிராக நடந்த ஆலோசனைக் கூட்டத்தில் பேசிய ராஜவர்மன், ‘விருதுநகர் மாவட்டத்தில் எந்த தொகுதியில் ராஜேந்திர பாலாஜி நின்றாலும் அவர் தோற்பது உறுதி’ என்று கூறியுள்ளார். அவர் மேலும், ‘ராஜேந்திர பாலாஜி, திமுகவுடன் கூட்டு வைத்துக் கொண்டு அதிமுகவுக்கு எதிராக செயல்பட்டு வருகிறார்’ என்கிற குற்றச்சாட்டையும் வைத்துள்ளார்.