12 லட்சம் வாக்குகளுடன் வயநாட்டில் ராகுல்காந்தி வெற்றி!

காங்கிரஸ் தலைவர் ராகுல்காந்தி இந்தமுறை முதன்முறையாக இரண்டு தொகுதிகளில் போட்டியிட்டார். வழக்கமாக உத்தரப்பிரதேசத்தின் அமேதி தொகுதியில் போட்டியிடும் ராகுல்காந்தி இந்தமுறை கூடுதலாக கேரளாவின் வயநாடு தொகுதியிலும் போட்டியிட்டார்.

7 கட்டங்களாக நடைபெற்ற 17-வது மக்களவைக்கான தேர்தலில் பதிவான வாக்குகளை எண்ணும் பணி இன்று தொடர்ந்து நடைபெற்று வருகிறது. இதில் பாஜக தலைமையிலான கூட்டணி 341 தொகுதிகளில் முன்னிலையில் உள்ளது. பாஜக மட்டும் தனித்து தனிப்பெரும்பான்மையை தாண்டி முன்னிலை வகிக்கிறது.

காங்கிரஸ் தலைமையிலான கூட்டணி 93 தொகுதிகளில் முன்னிலையில் உள்ளது இது காங்கிரஸ் 52 தொகுதிகளில் தான் முன்னிலையில் உள்ளது. காங்கிரஸ் தலைவர் ராகுல் காந்தி கூட தங்கள் குடும்பத்தின் பாரம்பரியமிக்க தொகுதியான அமேதி தொகுதியில் பின்னடைவில் உள்ளார். அந்த தொகுதியில் பாஜக வேட்பாளர் ஸ்மிருதி இராணி முன்னிலையில் உள்ளார்.

இந்நிலையில் ராகுல்காந்தி போட்டியிட்ட மற்றொரு தொகுதியான கேரளாவின் வயநாடு தொகுதியில் அவர் 1276945 வாக்குகள் பெற்று வெற்றிபெற்றுள்ளார். அவரை எதிர்த்து போட்டியிட்ட சிபிஐ வேட்பாளர் சுநீர் 164069 வாக்குகள் பெற்றுள்ளார்.