தமிழ்நாடு
சிப்பிக்குள் முத்து, பேர் சொல்லும் பிள்ளை: கமலுடன் நடித்த படங்களை சொல்லி வாக்கு கேட்கும் ராதிகா
![Radhika - Bhoomitoday](https://www.bhoomitoday.com/wp-content/uploads/2019/06/Radhika.jpg)
கமல்ஹாசனுடன் சிப்பிக்குள் முத்து மற்றும் பேர் சொல்லும் பிள்ளை ஆகிய திரைப்படங்களில் நடித்த நடிகை ராதிகா அந்த திரைப்படங்களின் பெயரைச் சொல்லி கமல்ஹாசனுக்கு வாக்கு கேட்டது பெரும் ஆச்சரியத்தை ஏற்படுத்தி உள்ளது.
கமல்ஹாசன் கோவை தெற்கு தொகுதியில் மக்கள் நீதி மய்யம் கட்சியின் வேட்பாளராக போட்டியிடுகிறார். அவரை எதிர்த்து பாஜகவில் வானதி ஸ்ரீனிவாசன் போட்டியிடுகிறார் என்பது குறிப்பிடத்தக்கது.
இந்த நிலையில் கமல்ஹாசனுக்கு ஆதரவாக அவரது கூட்டணி கட்சியின் தலைவர்களில் ஒருவரான ராதிகா சரத்குமார் இன்று கோவை தெற்கு தொகுதியில் பிரச்சாரம் செய்தார். அப்போது அவர் கோவை தெற்கு தொகுதியில் போட்டியிடும் கமல்ஹாசன் சிப்பிக்குள் முத்தாக இந்த தொகுதி மக்களுக்கு கிடைத்தவர் என்றும் தமிழ் நாட்டின் பேர் சொல்லும் பிள்ளையாக நாளை விளங்குவார் என்றும் அவர் தெரிவித்துள்ளார்.
தானும் கமல்ஹாசனும் இணைந்து நடித்த படங்களின் பெயரைச் சொல்லி அவர் வாக்கு கேட்டது அந்த பகுதி மக்கள் மக்களை கவர்ந்தது என்பது குறிப்பிடத்தக்கது.