நடிகர் விஜய்க்கு நன்றி சொன்ன புதுச்சேரி முதல்வர் நாராயணசாமி!

கொரோனா நிவாரண பணிகளுக்காகப் புதன்கிழமை 1.30 கோடி ரூபாய் ஒதுக்கிய நடிகர் விஜய், பாண்டிச்சேரி அரசுக்கு 5 லட்சம் ரூபாய் வழங்கினார்.

நடிகர் விஜய் அளித்த நிவாரண நிதிக்கு நன்றி தெரிவித்த புதுச்சேரி முதல்வர் நாராயணசாமி, “படங்களுக்கான நிறையக் காட்சிகள், புதுச்சேரியில் படமாக்கப்படுகின்றன. அதற்காகத் தயாரிப்பாளர்கள், இயக்குநர்கள், நடிகர்கள் எனத் திரைத் துறை சார்ந்த பலர் புதுச்சேரி வருகிறார்கள்.

புதுச்சேரியில் படப்பிடிப்பு நடத்துவதற்கு ஏதுவான சூழல்கள் உள்ளன. அவர்களுக்கு எங்களுடைய புதுச்சேரி மாநிலத்திற்கு உதவுதற்கான கடமை பொறுப்பு உள்ளது. அதை உணர்ந்து நடிகர் விஜய் அவர்கள் முதல்வர் நிவாரண நிதிக்கு 5 லட்சம் ரூபாய் வழங்கியுள்ளார். அவருக்கு நான் நன்றியைத் தெரிவித்துக்கொள்கிறேன்.

அதே போல மற்ற நடிகர்களும், புதுச்சேரி மாநிலத்தின் கொரொனா மருத்துவ பணிகளுக்கான கருவிகளை வாங்க நிதி வழங்க வேண்டும் என்று கேட்டுக்கொள்கிறேன்” என்று குறிப்பிட்டுள்ளார்.

https://seithichurul.com/cinema/cinema-news/actor-vijay-has-donated-rs-1-30-crore-for-corona-relief-works/