பர்சனல் ஃபினான்ஸ்
செல்வ மகள், பிபிஎப், பிற சிறு சேமிப்பு திட்டங்கள் மீதான வட்டி விகிதம் குறைப்பு!
2020-2021 நிதியாண்டின் முதல் காலாண்டுக்கான சிறு சேமிப்பு திட்டங்களின் வட்டி விகிதம் குறைக்கப்பட்டுள்ளது, முதலீட்டாளர்களை அதிர்ச்சியடையச் செய்துள்ளது.
பிபிஎப் – பொது வருங்கால வைப்பு நிதி
பிபிஎப் என அழைக்கப்படும் பொது வருங்கால வைப்பு நிதியின் வட்டி விகிதம் 7.9 சதவீதத்திலிருந்து 7.1 சதவீதமாகக் குறைக்கப்பட்டுள்ளது.
செல்வ மகள் திட்டம் – சுகன்யா சம்ரிதி யோஜனா
செல்வ மகள் திட்டம் என்று அழைக்கப்படும், சுகன்யா சம்ரிதி யோஜனா திட்டத்தின் வட்டி விகிதம் 8.4 சதவீதத்திலிருந்து 7.6 சதவீதமாகக் குறைக்கப்பட்டுள்ளது.
மூத்த குடிமக்களுக்கான சேமிப்பு திட்டம்
மூத்த குடி மக்களுக்கான சேமிப்பு திட்டத்தின் வட்டி விகிதம், 8.6 சதவீதத்திலிருந்து 7.4 சதவீதமாகக் குறைந்துள்ளது.
தேசிய சேமிப்பு பத்திரம்
தேசிய சேமிப்பு பத்திரத்தின் வட்டி விகிதம் 7.9 சதவீதத்திலிருந்து 6.8 சதவீதமாகக் குறைத்து அறிவிக்கப்பட்டுள்ளது.
5-வருட அஞ்சல் அலுவலக ரெக்கரிங் டெபாசிட்
5-வருட அஞ்சல் அலுவலக ரெக்கரிங் டெபாசிட் திட்டத்தின் வட்டி விகிதம், 7.2 சதவீதத்திலிருந்து 5.8 சதவீதமாகக் குறைத்துள்ளனர்.
கிசான் விகாஸ் பத்ரா
கிசான் விகாஸ் பத்ரா திட்டத்தின் முதலீட்டுக் காலம் 124 மாதங்களாக உயர்த்தப்பட்டு வட்டி விகிதம் 7.6 சதவீதத்திலிருந்து 6.9 சதவீதமாகக் குறைக்கப்பட்டுள்ளது.
அஞ்சல் அலுவலக டெர்ம் டெபாசிட்
அஞ்சல் அலுவலக டெர்ம் டெபாசிட் திட்டத்தில் 1 முதல் 3 ஆண்டு வரை முதலீடு செய்யும் போது 5.5 சதவீதமும், 5 வருடம் ம்னுதலீடு செய்தால் 6.7 சதவீத வட்டி விகித லாபம் கிடைக்கும்.
சேமிப்பு கணக்கு
அஞ்சல் அலுவலக சேமிப்பு கணக்குகளுக்கான வட்டி விகிதத்தில் எந்த மாற்றமும் இல்லை. எனவே 4 சதவீதமாகவே தொடரும்.
குறிப்பு
சிறு சேமிப்பு திட்டங்களின் வட்டி விகிதம் ஒவ்வொரு காலாண்டுக்கு ஒரு முறை மாற்றி அமைக்கப்படும். இந்த வட்டி விகிதம் 2020 ஏப்ரல் முதல் ஜூன் மாதம் வரை தொடரும்.