சினிமா செய்திகள்
’பீஸ்ட்’ படப்பிடிப்பு குறித்து பூஜா ஹெக்டே: வீடியோ வைரல்!
தளபதி விஜய் நடித்து வரும் ’பீஸ்ட்’ படத்தின் படப்பிடிப்பு கடந்த பிப்ரவரி மாதம் தொடங்கியது என்பதும் அதன் பின்னர் கொரோனா வைரஸ் பாதிப்பு காரணமாக பிறப்பிக்கப்பட்ட ஊரடங்கு காரணமாக படப்பிடிப்பு நிறுத்தப்பட்டது என்பதும் தெரிந்ததே.
இந்த படத்தின் முதல்கட்ட படப்பிடிப்பு ஜார்ஜியாவிலும், இரண்டாவது மற்றும் மூன்றாவது கட்ட படப்பிடிப்பு சென்னையிலும் நடந்தது. தற்போது மூன்றாம் கட்ட படப்பிடிப்பு சென்னை கோகுலம் ஸ்டுடியோவில் நடைபெற்று வருவதாகவும் இந்த படப்பிடிப்பில் மால் ஒன்றின் செட்டில் தீவிரவாதிகளுக்கு எதிராக நடைபெறும் ஆக்ஷன் காட்சிகளில் விஜய் நடித்து வருவதாகவும் கூறப்பட்டது. அதுமட்டுமின்றி இந்த படப்பிடிப்பில் பூஜா ஹெக்டேவும் கலந்துகொண்டு இருப்பதாக செய்திகள் வெளியானது.
இந்த நிலையில் கடந்த சில நாட்களாக ’பீஸ்ட்’ படப்பிடிப்பில் இருந்த பூஜா ஹெக்டே நேற்றுடன் சென்னை படப்பிடிப்பை முடித்துவிட்டு மும்பை சென்று விட்டதாக செய்திகள் வெளியானது. இந்த நிலையில் ’பீஸ்ட்’ படப்பிடிப்பை முடித்துவிட்டு விமான நிலையத்திற்கு பூஜா ஹெக்டே சென்றபோது செய்தியாளர்களிடம் பேசியபோது, ’பீஸ்ட்’ படத்தில் தளபதி விஜய் அவர்களுடன் இணைந்து பணிபுரிவது மிகவும் மகிழ்ச்சியாக இருந்தது என்றும் தற்போது படப்பிடிப்பை முடித்துவிட்டு சென்னையில் இருந்து மும்பை செல்வதாகவும் அவர் தெரிவித்தார்.
https://twitter.com/BeastFiIm/status/1429859310696210474
மும்பையில் அவர் பாலிவுட் திரைப்படத்தின் படப்பிடிப்பில் கலந்து கொள்ள உள்ளார் என்பது குறிப்பிடத்தக்கது. இந்த நிலையில் ’பீஸ்ட்’ படத்தின் அடுத்தகட்ட படப்பிடிப்பு டெல்லியில் நடைபெற இருப்பதாகவும், அந்த படப்பிடிப்பிலும் விஜய், பூஜா ஹெக்டே ஆகிய இருவரும் கலந்து கொள்வார்கள் என்றும் தெரிகிறது. அதுமட்டுமின்றி விரைவில் ’பீஸ்ட்’ படக்குழுவினர் ரஷ்யா செல்ல இருப்பதாகவும் கூறப்படுகிறது.
தளபதி விஜய் ஜோடியாக பூஜா ஹெக்டே நடித்துவரும் இந்த படத்தில் செல்வராகவன், யோகிபாபு, ஷைன் டாம் சாக்கோ, விடிவி கணேஷ், அபர்ணா தாஸ் உள்பட பலர் நடித்து வரும் இந்த படத்திற்கு அனிருத் இசையமைக்கின்றார். சன் பிக்சர்ஸ் நிறுவனம் தயாரித்து வரும் இந்த படம் அடுத்த ஆண்டு பொங்கல் தினத்தில் வெளியாகும் என எதிர்பார்க்கப்படுகிறது.