சினிமா செய்திகள்
பீஸ்ட் கதாநாயகி செய்த காரியம்: பொதுமக்கள் ரியாக்சன் என்ன தெரியுமா?
தளபதி விஜய் நடித்து வரும் பீஸ்ட் படத்தின் நாயகியான பூஜா ஹெக்டே செய்த காரியத்தால் அவருக்கு பொதுமக்களின் பாராட்டுக்கள் குவிந்து வருகிறது.
தளபதி விஜய் நடித்து வரும் 65வது திரைப்படமான பீஸ்ட் திரைப்படத்தில் நாயகியாக நடிக்க பூஜாஹெக்டே சமீபத்தில் ஒப்பந்தமானார். இவர் சென்னையில் நடைபெற்ற பீஸ்ட் படத்தின் படப்பிடிப்பில் கலந்து கொண்டார் என்பதும் இந்த பாடல் காட்சியின் படப்பிடிப்பு முடிந்து விட்டது என்பதும் குறிப்பிடத்தக்கது. இந்த நிலையில் சமீபத்தில் அளித்த பேட்டியில் பீஸ்ட் படத்தின் அடுத்த கட்ட படப்பிடிப்பிலும் கலந்து கொள்வதாக அறிவித்துள்ளார்.
இந்த நிலையில் நடிகை பூஜா ஹெக்டே ‘ஆல் அபவுட் லவ்’ என்ற புதிய அறக்கட்டளையை தனது நண்பர்களுடன் சேர்ந்து துவக்கியுள்ளார். இதன் மூலம் அவர் நலிவுற்ற மற்றும் ஏழை எளிய மக்களுக்கு உதவி செய்து வருகிறார் என்பது குறிப்பிடத்தக்கது. நலிவுற்ற மக்களுக்காக சேவை மையம் துவங்கி இருக்கும் நடிகை பூஜா ஹெக்டேவின் முயற்சிக்கு அவரது ரசிகர்கள் பலரும் பாராட்டுகளை தெரிவித்து வருகின்றனர்.
இந்த அறக்கட்டளை மூலம் நூற்றுக்கணக்கான ஏழை எளிய குடும்பங்களுக்கு பொருளாதார உதவிகளை செய்து வருகிறோம் என்றும் அது மட்டுமின்றி மருத்துவ வசதி, ரேஷன் பொருட்களையும் கொடுத்து வருகிறோம் என்றும் பூஜா ஹெக்டே பேட்டி ஒன்றில் கூறியுள்ளார்.
இந்த சேவை மையத்தை மேலும் விரிவுபடுத்தி இன்னும் நிறைய பேர்களுக்கு உதவி செய்ய வேண்டும் என்பதே தனது எதிர்கால திட்டம் என்றும் அவர் குறிப்பிட்டுள்ளார். திரைப்படங்களில் நடித்து கிடைக்கும் பணத்தை வைத்து பல்வேறு தொழில் தொடங்கி மேலும் மேலும் பணம் சம்பாதிக்கும் நடிகைகள் மத்தியில் பூஜா ஹெக்டே வித்தியாசமாக ஏழை எளியவர்களுக்கு அறக்கட்டளை தொடங்கியுள்ளது பெரும் பாராட்டுக்குரியது என அனைவரும் பாராட்டி வருகின்றனர்.
