சினிமா செய்திகள்
மிஷ்கின் ஸ்டைலில் அதிர வைக்கும் ‘பிசாசு 2’ ஃபர்ஸ்ட்லுக்!
பிரபல இயக்குனர் மிஷ்கின் இயக்கி வரும் ’பிசாசு 2’ படத்தின் படப்பிடிப்பு கிட்டதட்ட நிறைவடையும் நிலையில் சற்று முன்னர் இந்த படத்தின் பர்ஸ்ட் லுக் போஸ்டர் வெளியாகியுள்ளது.
இந்த போஸ்டரில் ஆண்ட்ரியாவின் கால்கள் பாத்டாப்பில் இருப்பது போன்றும் கையில் சிகரெட் இருப்பது போன்றும் மிஷ்கின் ஸ்டைலில் அட்டகாசமாக இருப்பதாக பெரும்பாலான ரசிகர்கள் தெரிவித்து வருகின்றனர். ஒருசிலர் மட்டும் இது பர்ஸ்ட் லுக் போஸ்டர் அல்ல டைட்டில் போஸ்டர் என்றும் கலாய்த்து வருகின்றனர் என்பது குறிப்பிடத்தக்கது. இருப்பினும் இந்த போஸ்டர் கலர் ஃபுல்லாக இருப்பதாகவும், கிட்டத்தட்ட அனைவரையுமே கவர்ந்துள்ளது என்பது குறிப்பிடத்தக்கது.
ஆண்ட்ரியா முக்கிய வேடத்தில் நடித்துள்ள இந்த திரைப்படத்தில் பூர்ணா உள்பட பலர் நடித்துள்ளனர். இந்த படத்திற்கு கார்த்திக்ராஜா இசையமைத்து உள்ளார் என்பதும் ராக்போர்ட் என்டர்டெயின்மென்ட் நிறுவனம் தயாரித்துள்ளது என்பது குறிப்பிடத்தக்கது. இந்த படம் இந்த ஆண்டு இறுதியில் வெளியாகும் என பஸ்ட் லுக் போஸ்டரிலேயே குறிப்பிடப்பட்டுள்ளது என்பது குறிப்பிடத்தக்கது.
கடந்த 2014ஆம் ஆண்டு வெளியான ’பிசாசு’ திரைப்படம் மிகப்பெரிய வரவேற்பை பெற்றது என்பதும் இதுவரை எடுக்கப்பட்ட பேய் படங்களில் பிசாசு படத்தில் மட்டுமே பேயை நல்லவிதமாக காட்டப்பட்டிருக்கும் என்பது குறிப்பிடத்தக்கது. அந்தவகையில் ’பிசாசு 2’ படமும் அதன் தொடர்ச்சியாக இருக்குமா? அல்லது இது வேறு ஒரு வித்தியாசமான கதையா? என்பதை பொறுத்திருந்துதான் பார்க்க வேண்டும்.
Elated to release first look of my latest flick #pisasu2#Pisasu2FirstLook
@Rockfortent @andrea_jeremiah @kbsriram16 @Lv_Sri @APVMaran #KarthikRaja @shamna_kkasim @Actorsanthosh @actor_ajmal @teamaimpr @PRO_Priya pic.twitter.com/6wSxgzt8gJ
— Mysskin (@DirectorMysskin) August 3, 2021