இந்தியா
கர்நாடக மாநிலத்தின் புதிய முதல்வர் இவர்தான்: எடியூரப்பா வாழ்த்து!
கர்நாடக முதல்வராக கடந்த இரண்டு ஆண்டுகளாக இருந்த எடியூரப்பா திடீரென ராஜினாமா செய்தார் என்பதும் வயது காரணமாக தான் ராஜினாமா செய்ததாக அவர் விளக்கம் அளித்தார் என்பது தெரிந்ததே
ஆனால் எடியூரப்பாவுக்கும் பாஜக மேலிடத்திற்கும் இடையே ஏற்பட்ட பிரச்சினை காரணமாகத்தான் அவர் விலகினார் என்றும் மேகதாது பிரச்சனையை அவர் சரியாக கையாளவில்லை என்று குற்றச்சாட்டு இருந்தது என்பதும் குறிப்பிடத்தக்கது
இந்த நிலையில் எடியூரப்பா விலகலை அடுத்து கர்நாடக மாநில முதல்வர் பதவியை பிடிக்க பல பிரபலங்கள் முயன்ற நிலையில் தற்போது இது குறித்து அதிகாரபூர்வ அறிவிப்பு வெளியாகி உள்ளது
கர்நாடக மாநில முதல்வராக இருந்த எடியூரப்பா விலகலை அடுத்து கர்நாடக மாநில புதிய முதல்வராக பசவராஜ் பொம்மை என்பவர் தேர்ந்தெடுக்கப்பட்டுள்ளார். இவர் தற்போது அம்மாநிலத்தில் உள்துறை அமைச்சராக இவர் உள்ளார் என்பது குறிப்பிடத்தக்கது
நாளை அல்லது நாளை மறுநாள் கர்நாடக முதல்வராக பசவராஜ் பொம்மை பதவியேற்றுக் கொள்வார் என்று எதிர்பார்க்கப்படுகிறது. மேலும் புதிய முதல்வராக தேர்வு செய்யப்பட்டுள்ள பசவராஜ் பொம்மை அவர்களுக்கு முன்னாள் முதல்வர் எடியூரப்பா நேரில் சந்தித்து தனது வாழ்த்தினை தெரிவித்துள்ளார்.
