சினிமா செய்திகள்
சாய்னா நேவால் பயோபிக்கில் இருந்து விலகிய ஷ்ரத்தா கபூர்!
பிரபாஸின் சாஹோ படத்தில் நாயகியாக நடித்து வரும் ஆஷ்க் 2 கதாநாயகி ஷ்ரத்தா கபூர், இந்திய பேட்மிண்டன் வீராங்கனை சாய்னா நேவால் பயோபிக்கில், சாய்னா நேவால் கதாபாத்திரத்தில் நடித்து வந்தார்.
சாய்னா நேவாலுடன் நெருங்கி பழகி, அவரது பாடி லேங்குவேஜ், பேட்மிண்டன் பயிற்சி உள்ளிட்டவற்றை கற்றுக் கொண்டு, ஐதராபாத்தில், இரண்டு கட்ட படப்பிடிப்புகளில் நடித்து வந்தார்.
இதன் இடையே, ஷ்ரத்தா கபூருக்கு காய்ச்சல் வந்தது. அதனால், சாய்னா நேவால் படத்திற்கு கொடுத்த கால்ஷீட் அனைத்தும் வீணானது. தற்போது, மற்ற படங்களுக்கு அவர் முன்னதாக கொடுத்திருந்த கால்ஷீட் அவரை இந்த படத்தில் தொடர முடியாமல் செய்துள்ளதாம்.
அதனால், ஷ்ரத்தா கபூர் படத்தில் இருந்து விலகியுள்ளார். இதனால், பிரியங்கா சோப்ரா தங்கையான பாலிவுட் நடிகை பரிணித்தி சோப்ராவை சாய்னா நேவால் படத்திற்கு தயார்படுத்தி வருகின்றனர்.