சினிமா செய்திகள்
பிரபல ஹீரோவுடன் இணைகிறார் பா ரஞ்சித்: அதிகாரபூர்வ அறிவிப்பு:
தமிழ் திரை உலகின் பிரபல இயக்குனர் பா ரஞ்சித் அவர்களின் அடுத்த படம் குறித்த அதிகாரப்பூர்வ அறிவிப்பு வெளியாகி உள்ளது.
சமீபத்தில் வெளியான ’சார்பாட்டா திரைப்படம் என்ற மிகப்பெரிய வெற்றிப் படத்தை இயக்கியவர் பா ரஞ்சித் என்பதும் அவர் தற்போது புதுமுகங்கள் நடித்து வரும் ’நட்சத்திரம் நகர்கிறது’ என்ற படத்தை இயக்கி வருகிறார் என்பதும் தெரிந்ததே.
இந்த நிலையில் பா ரஞ்சித்தின் அடுத்த படத்தில் விக்ரம் நடிக்க உள்ளதாக ஏற்கனவே செய்திகள் கசிந்த நிலையில் தற்போது அந்த செய்தி உறுதி செய்யப்பட்டுள்ளது. ஆம் பா ரஞ்சித்தின் அடுத்த படத்தில் விக்ரம் ஹீரோவாக நடிக்க இருக்கிறார். இந்த படத்தை ஸ்டுடியோ கிரீன் நிறுவனம் தயாரிக்க உள்ளது என்பதும் இந்நிறுவனத்தின் 23வது படம் இந்த படம் என்பது குறிப்பிடத்தக்கது.
இந்த படம் குறித்த அதிகாரப்பூர்வ அறிவிப்பை ஸ்டூடியோ கிரீன் நிறுவனம் தனது சமூக வலைத்தளத்தில் வெளியிட்டு உள்ளது என்பதும் இந்த படத்தில் நடிக்கும் மற்ற நடிகர்கள் மற்றும் தொழில்நுட்ப கலைஞர்களின் அறிவிப்பு விரைவில் வெளியாகும் என்று அறிவிக்கப்பட்டுள்ளது என்பது குறிப்பிடத்தக்கது.
விக்ரம் மற்றும் பா ரஞ்சித் முதல் முறையாக இணையும் இந்த படத்திற்கு இப்போதே மிகப்பெரிய எதிர்பார்ப்பு ஏற்பட்டுள்ளது என்பதும் இந்த படம் அடுத்த ஆண்டு இறுதியில் வெளியாகும் என்றும் கூறப்படுகிறது.
@StudioGreen2's #ProductionNo23 – The Mega Announcement of the Day????????⭐#Chiyaan61 #ChiyaanVikram with Director Pa.Ranjith From Producer KE Gnanavelraja#Vikram @beemji @kegvraja @NehaGnanavel @Dhananjayang @proyuvraaj @digitallynow
Other Cast & Crew announcements soon???? pic.twitter.com/JECJKde6pz
— Studio Green (@StudioGreen2) December 2, 2021
