கிரிக்கெட்
இந்தியாவுக்கு எதிரான போட்டிகளில் அதிக முறை சேஸிங் செய்து வெற்றியைப் பதிவு செய்த நியூசிலாந்து!
இந்திய கிரிக்கெட் அணி நியூசிலாந்துக்கு எதிரான முதல் ஒருநாள் கிரிக்கெட் போட்டியில் 4 விக்கெட் வித்தியாசத்தில் தோல்வியடைந்தது.
இந்திய கிரிக்கெட் அணி 5 டி20 தொடர், 3 ஒருநாள் கிரிக்கெட் போட்டி, மற்றும் 2 டெஸ்ட் போட்டி கொண்ட தொடர்களில் விளையாட நியூசிலாந்து சென்றுள்ளது.
டி20 தொடரில் இந்திய அணி 5-0 என்று வென்ற நிலையில், இன்று முதல் ஒரு நாள் கிரிக்கெட் போட்டி நடைபெற்றது. டாஸ் வென்ற நியூசிலாந்து அணி இந்திய அணியை பேட்டிங் செய்ய அழைத்தது.
முதலில் பேட்டிங் செய்த இந்திய அணி 50 ஓவர் முடிவில் 4 விக்கெட்களை இழந்து 347 ரன்களை எடுத்தது. 348 ரன்கள் எடுத்தால் வெற்றி என்ற இலக்கை நோக்கி விளையாடத் தொடங்கிய நியூசிலாந்து அணி 48.1 ஓவரில் 348 ரன்களை அடித்து வெற்றி பெற்றது. 84 பந்துகளுக்கு 109 ரன்களை எடுத்த ரோஸ் டெய்லர் ஆட்ட நாயகனாகத் தேர்வு செய்யப்பட்டார்.
இந்த போட்டியில் வென்றதன் மூலம், இந்திய அணிக்கு எதிராக அதிக முறை சேஸிங்கில் நியூசிலாந்து வென்று சாதனை படைத்துள்ளது.