தமிழ்நாடு
இந்தியாவின் டாப் 100 சுத்தமான நகரங்கள் பட்டியலில் தமிழ்நாட்டிலிருந்து ஒன்று கூட இல்லையா?
![Trichy - Bhoomitoday](https://www.bhoomitoday.com/wp-content/uploads/2024/01/Trichy.webp)
இந்தியாவில் ஒவ்வொரு ஆண்டும் சுத்தமான நகரங்கள் எவை என்ற பட்டியலை, வீட்டுவசதி மற்றும் நகர்ப்புற விவகாரங்கள் அமைச்சகம் ஸ்வச் சர்வேக்ஷன் தரவரிசை என்ற பெயரில் வெளியிட்டு வருகிறது. அப்படி 2023-ம் ஆண்டு மிகவும் சுத்தமான நகரங்கள் பட்டியலில், முதல் டாப் 100 இடங்களில் தமிழ்நாட்டிலிருந்து ஒரு நகரம் கூட இடம்பெறவில்லை என்பது தமிழர்களுக்கு வருத்தத்திற்குரிய செய்தியாக அமைந்துள்ளது.
2023-ம் ஆண்டு இந்தியாவின் சுத்தமான டாப் 10 நகரங்களில் முதல் இடத்தை, மகாராஷ்டிராவின் இந்தூரும், குஜராத்தின் சூரத்தும் பகிர்ந்துகொண்டுள்ளன. 2 இடத்தில் நவி மும்பை உள்ளது. 4 இடத்தை விசாக பட்டினமும், 5வது இடத்தில் போபால், 6வது இடத்தில் விஜயவாடா, 7வது இடத்தில் புது டெல்லி முனிசிபிள் கார்ப்ரேஷன், 8வது இடத்தில் திருப்பதி, 9வது இடத்தில் கிரேட்டர் ஹைதராபாத், 10வது இடத்தில் புனேவும் இடம்பெற்றுள்ளன.
சுத்தமான நகரங்கள் பட்டியலில் தமிழ்நாட்டு நகரங்களின் நிலை
இந்த பட்டியலில் தமிழ்நாட்டிலிருந்து திருத்தி நகரம் 112வது இடத்தை பிடித்துள்ளது. தொடர்ந்து தூத்துக்குடி 179வது இடத்தையும், கோயம்புத்தூர் 182வது இடத்தையும், சென்னை 199 இடத்தையும், மதுரை 311வது இடத்தையும் பிடித்துள்ளன.
தமிழ்நாட்டிற்கு ஆறுதல் செய்தி
அதே நேரம், சுத்தமான மாநிலங்கள் பட்டியலில், 13வது இடத்திலிருந்து 10வது இடத்திற்குத் தமிழ்நாடு முன்னேறியுள்ளது ஆறுதல் செய்தியாக உள்ளது.
சுத்தமான மாநிலங்கள் பட்டியலில் மகாராஷ்டிராவும் மத்தியப் பிரதேசமும் முதல் இரண்டு இட்டத்தைப் பிடித்துள்ளன.
நாடு முழுவதும் 12 கோடி மக்களிடமிருந்து பெறப்பட்ட கருத்துக்கணிப்புகள் அடிப்படையில், இந்த சுத்தமான நகரங்கள் பட்டியல் 2023 வெளியாகியுள்ளது. தொடர்ந்து 6வது ஆண்டாக சூரத் மற்றும் இந்தூர் நகரங்கள், சுத்தமான நகரங்கள் பட்டியலில் முதல் இடத்தை பிடித்துள்ளன என்பது குறிப்பிடத்தக்கது.