சினிமா செய்திகள்
ஹீரோயின் இல்லை, பாடல்கள் இல்லை: முதல்முறையாக ரிஸ்க் எடுக்கும் விஜய்!
பாடல்கள் மற்றும் நாயகி இல்லாமல் விஜய் படத்தை அவரது ரசிகர்கள் நினைத்துக்கூட பார்க்காத நிலையில் அதை நிறைவேற்ற இயக்குனர் லோகேஷ் கனகராஜ் முடிவு செய்திருப்பதாக கூறப்படுகிறது.
’தளபதி 66’ திரைப்படத்தை இயக்குனர் வம்சி இயக்க இருக்கும் நிலையில் அவரது அடுத்த படத்தை அட்லி, லோகேஷ் கனகராஜ் மற்றும் புதுமுக இயக்குனர் என இந்த மூவர்களில் ஒருவர் இயக்க இருந்ததாக கூறப்பட்டது.
இந்த நிலையில் ’தளபதி 67’ படத்தை லோகேஷ் கனகராஜ் இயக்க இருப்பது கிட்டத்தட்ட உறுதி செய்யப்பட்டு விட்டது. இந்த படத்தின் ஆரம்பகட்ட பணிகள் தொடங்கலாம் என்றும் விஜய் பச்சைக்கொடி காட்டியதாக தெரிகிறது.
இந்த நிலையில் ’தளபதி 67’ திரைப்படம் முழுக்க முழுக்க ஒரு அதிரடி ஆக்ஷன் படம் என்றும் லோகேஷின் ‘கைதி’ படம் போன்று இந்த படத்தில் பாடல்கள் மற்றும் நாயகி இல்லை என்றும் அதற்கேற்றவாறு திரைக்கதை அமைக்க இருப்பதாகவும் லோகேஷ் கனகராஜ் தரப்பிலிருந்து செய்தி வெளியானது பரபரப்பை ஏற்படுத்தி உள்ளது.
விஜய் படம் என்றாலே அதில் பாடலுக்கு மிகுந்த முக்கியத்துவம் இருக்கும் என்பதும் அவரது படத்தில் இடம்பெறும் பாடல்கள் உலக அளவில் ஹிட்டாகும் என்பது தெரிந்ததே. ஆனால் அதே நேரத்தில் பாடல்களே இல்லாமல் ஒரு விஜய் படமா என்று ஆச்சரியத்தில் ரசிகர்கள் வாயைப் பிளந்த நிலையில் இந்த படத்தின் நாயகியும் இல்லை என்ற தகவல் ஆச்சரியத்தின் உச்சத்திற்கே சென்று உள்ளது. ஆனால் அதே நேரத்தில் இந்த படத்தில் பாடல் இல்லை என்றாலும் புரமோஷன் பாடல், டைட்டில் பாடல் ஆகியவை இந்த படத்தில் இருக்க வாய்ப்புள்ளதாக கூறப்படுகிறது.
