இந்தியாவில் மீண்டும் முழு ஊரடங்கா? அமைச்சர் நிர்மலா சீதாராமன் தகவல்!

தமிழகம் உள்பட இந்தியா முழுவதும் கொரோனா வைரஸ் பாதிப்பு மிக அதிகமாகிக் கொண்டே வருகிறது என்றும் இதுவரை ஒரு லட்சத்திற்கு அதிகமானோர் தினமும் இந்தியாவில் கொரோனா வைரஸால் பாதிக்கப்பட்டு வந்த நிலையில் தற்போது கிட்டத்தட்ட இரண்டு லட்சத்தை நெருங்கி உள்ளது பெரும் அதிர்ச்சியை ஏற்படுத்தியுள்ளது.

உலக சுகாதார மையம் தெரிவித்துள்ளது அறிவிப்பின்படி இந்தியாவில் கடந்த 24 மணி நேரத்தில் ஒரு லட்சத்து 80 ஆயிரம் பேருக்கு மேல் கொரோனாவால் பாதிக்கப்பட்டு உள்ளனர் இதே ரீதியில் சென்றால் அமெரிக்காவை கொரோனா வைரஸ் பாதிப்பில் இந்தியா மிஞ்சி விடும் என்று அஞ்சப்படுகிறது.

இந்த நிலையில் தமிழகம் உள்பட அனைத்து மாநிலங்களிலும் கொரோனா வைரஸ் பாதிப்பு காரணமாக பல்வேறு கட்டுப்பாடுகள் விதிக்கப்பட்டு வருகின்றன. இருப்பினும் மகாராஷ்டிர மாநிலம் தவிர வேறு மாநிலங்களில் முழு ஊரடங்கு உத்தரவு பிறப்பிக்கப்படவில்லை என்பது குறிப்பிடத்தக்கது.

NEW DELHI, INDIA – MARCH 22: Indian policemen push barricades to place them in the center of a a road leading to historic India Gate, during a one-day nationwide Janata (civil) curfew imposed as a preventive measure against the COVID-19 on March 22, 2020 in New Delhi, India. Death toll due to coronavirus in India reached seven on Sunday with three more fatalities as the country observed a “janta curfew” or public lockdown on the appeal of Prime Minister Narendara Modi. Besides placing under lockdown till March 31st, 75 districts with confirmed coronavirus cases , the government also decided to shut down train, metro and inter-state services to curb the spread of the global pandemic in India. (Photo by Yawar Nazir/Getty Images)

இந்த நிலையில் இந்தியாவில் கொரோனா பாதிப்பு அதிகரித்து வரும் நிலையில் நாடு முழுவதும் முழு ஊரடங்கு உத்தரவு அமல்படுத்தப்படுமா என்ற கேள்விக்கு பதிலளித்த மத்திய அமைச்சர் நிர்மலா சீதாராமன் அவர்கள் நாட்டில் பொது முடக்கம் அமல்படுத்த படாது என்று அவர் தெரிவித்துள்ளார்.

உலக வங்கி தலைவர் உடன் நிர்மலா சீதாராமன் சமீபத்தில் காணொளி வழியாக பேசியபோது இந்தியாவில் கொரோனா தொற்றின் இரண்டாவது அலை உருவாகி உள்ள போதிலும் பெரிய அளவில் முழு ஊரடங்கு அமல்படுத்த வேண்டாம் என்று அரசு தெளிவாக உள்ளது என்று குறிப்பிட்டிருந்தார்.

நாட்டின் பொருளாதாரத்தை முழுவதுமாக முடக்க மத்திய அரசு விரும்பவில்லை என்றும் ஆனால் அதே நேரத்தில் தனிமைப்படுத்திக் கொள்ளும் முறைகள், தடுப்பூசி போட்டுக்கொள்வதை அதிகரிப்பது முகக்கவசம் அனைவரும் அணிவது ஆகியவற்றின் மூலம் இரண்டாவது அலை எதிர்கொள்ளப்படும் என்று அவர் தெரிவித்தார்.