இந்தியா
கட்கரியை துணை பிரதமராக்குங்கள்.. பாஜகவில் புதிய கலகக் குரல்!
கடந்த சில நாட்களாக பாஜக கட்சிக்குள் உருவாகி இருந்த சிறிய பூசல் தற்போது கொஞ்சம் கொஞ்சமாக வெளியே வந்துள்ளது.
![Nitin Gadkari - Bhoomitoday](https://www.bhoomitoday.com/wp-content/uploads/2019/01/images.jpg)
டெல்லி: மத்திய சாலை போக்குவரத்துத்துறை அமைச்சர் நிதின் கட்கரியை துணை பிரதமராக நியமிக்க வேண்டும் என்று பாஜக மூத்த தலைவர் சங்பிரியா கவுதம் கோரிக்கை வைத்துள்ளார்.
கடந்த சில நாட்களாக பாஜக கட்சிக்குள் உருவாகி இருந்த சிறிய பூசல் தற்போது கொஞ்சம் கொஞ்சமாக வெளியே வந்துள்ளது. பாஜகவில் மத்திய சாலை போக்குவரத்துத்துறை அமைச்சர் நிதின் கட்கரி பிரதமர் மோடிக்கு பதிலாக 2019 தேர்தலில் முன்னிறுத்தப்பட வேண்டும் என்று கோரிக்கைகள் எழுந்த வண்ணம் இருக்கிறது.
ஐந்து மாநில தேர்தல் உட்பட பாஜகவின் தொடர் தேர்தல் தோல்விகளால் தற்போது அந்த கட்சிக்குள் இரண்டு அணிகள் உருவாகி இருக்கிறது. இந்த நிலையில் பாஜக மூத்த தலைவர் சங்பிரியா கவுதம் பரபரப்பு கோரிக்கை ஒன்றை வைத்துள்ளார்.
பாஜகவை சேர்ந்த 88 வயது நிரம்பிய மூத்த தலைவர் சங்பிரியா கவுதம் இதுகுறித்து தெரிவித்த கருத்தில், பிரதமர் மோடியின் அலை 2014 போலவே 2019ல் இருக்காது. 2014ல் வென்றது போல 2019ல் பாஜகவால் எளிதாக வெல்ல முடியாது. இந்தியாவில் பாஜகவிற்கு எதிராக பெரிய மனநிலை நிலவி வருகிறது. அதை கட்சி சரி செய்ய வேண்டும்.