சினிமா செய்திகள்
என்னால் உங்களுக்கு தர்மசங்கடம் வேண்டாம்: ரஜினியிடம் முடிவை சொன்ன நெல்சன்!
சூப்பர் ஸ்டார் ரஜினிகாந்த் நடித்த இருக்கும் ’தலைவர் 169 திரைப்படத்தை நெல்சன் தான் இயக்கப் போகிறார் என அறிவிக்கப்பட்டிருந்த நிலையில் தற்போது தயாரிப்பு நிறுவனம் இயக்குனரை மாற்றியே ஆகவேண்டும் என்று கூறுவதாக செய்திகள் பரவி வருகிறது.
சூப்பர் ஸ்டார் ரஜினியிடம் இரண்டு இயக்குனர்களை பரிசீலனை செய்த தயாரிப்பு நிறுவனம் இவர்கள் இரண்டு பேரில் ஒருவரை நீங்கள் தேர்வு செய்யுங்கள் என்றும் நெல்சன் வேண்டாம் என்றும் கூறியதாக தெரிகிறது.
ஆனால் நெல்சன் இந்த படத்தில் இயக்குனராக இருக்கட்டும் என்று சூப்பர் ஸ்டார் கூறியதை தயாரிப்பு நிறுவனம் ஏற்றுக் கொள்ளவில்லை என்று கூறப்படுகிறது. இந்த நிலையில் சமீபத்தில் ரஜினியை நெல்சன் சந்தித்ததாகவும் என்னால் உங்களுக்கு தர்மசங்கடம் வேண்டாம் என்றும் தயாரிப்பு நிறுவனம் ஒருவேளை இயக்குனரை மாற்ற விரும்பினால் தாராளமாக மாற்றிக் கொள்ளட்டும் என்றும் எனக்கு எந்த பிரச்சனையும் இல்லை என்று ரஜினியிடம் கூறியதாக தகவல் கசிந்துள்ளது.
நெல்சனின் பரந்த மனப்பான்மை பார்த்து ஆச்சரியம் அடைந்த ரஜினிகாந்த் கண்டிப்பாக நாம் இருவரும் சேர்ந்து ஒரு படம் பண்ணுவோம் என்று கூறியதாகவும் கூறப்படுகிறது.