இந்தியா
முதல்முறையாக நீட் தேர்வு எழுத போகிறீர்களா? இதையெல்லாம் தெரிந்து வைத்து கொள்ளுங்கள்!
மருத்துவ படிப்பிற்கான நீட் தேர்வு கடந்த சில நாள் வருடங்களாக நடந்து வருகிறது என்பதும் இந்த நீட் தேர்வில் தகுதி பெற்றால் மட்டுமே எம்பிபிஎஸ் உள்ளிட்ட மருத்துவ படிப்பை படிக்க முடியும் என்பது குறிப்பிடத்தக்கது. தமிழ்நாடு உள்ளிட்ட ஒரு சில மாநிலங்கள் நீட் தேர்வை எதிர்த்து வந்தாலும் சுப்ரீம் கோர்ட் உத்தரவு காரணமாக நீட் தேர்வு ஒவ்வொரு ஆண்டும் நடைபெறும் என மத்திய அரசு உறுதி பெற கூறியிருக்கிறது. எனவே நீட் தேர்வை எதிர்த்தாலும் தமிழ்நாடு மாணவர்களும் நீட் தேர்வு எழுத வேண்டிய கட்டாயத்தில் உள்ளனர் என்பது குறிப்பிடத்தக்கது.
இந்த நிலையில் தேசிய தேர்வு முகமை என்ற அமைப்பு இந்த நீட் தேர்வை நடத்தி வரும் நிலையில் 2023 ஆம் ஆண்டுக்கான நீட் தேர்வு மே 7ஆம் தேதி நடைபெறும் என்று அறிவிக்கப்பட்டுள்ளது. இந்த நிலையில் நீட் தேர்வு எழுதும் மாணவர்கள் ரிஜிஸ்டர் செய்ய வேண்டியது அவசியம் என்பதால் அதிகாரப்பூர்வ இணையதளமான neet.nta.nic.in என்ற இணையதளத்தில் மாணவர்கள் ரிஜிஸ்டரை தொடங்குவது எப்போது? என்ற அறிவிப்பு விரைவில் வெளியாகும் என்று எதிர்பார்க்கப்படுகிறது. அனேகமாக அடுத்த வாரம் நீட் தேர்வு எழுதும் மாணவர்கள் தங்கள் விண்ணப்பங்களை பதிவு செய்ய வேண்டும் என்ற அதிகாரப்பூர்வ அறிவிப்பு வெளிவரலாம் என்று எதிர்பார்க்கப்படுகிறது.
இந்த நிலையில் நீட் தேர்வு எழுத விரும்பும் மாணவர்களுக்கு இருக்கக்கூடிய தகுதிகள் என்னென்ன என்பதை தற்போது பார்ப்போம்.
2023ஆம் ஆண்டு நீட் தேர்வு எழுதும் விண்ணப்பதாரர்கள் 10+2 அல்லது இயற்பியல், வேதியியல், உயிரியல்/உயிர்-தொழில்நுட்பம் மற்றும் ஆங்கிலம் ஆகிய பாடங்களுடன் சம அளவிலான தேர்வில் தேர்ச்சி பெற வேண்டும்.
அவர்கள் தகுதித் தேர்வில் இயற்பியல், வேதியியல் மற்றும் உயிரியல்/உயிர் தொழில்நுட்பம் ஆகியவற்றில் மொத்தமாக குறைந்தபட்சம் 50% மதிப்பெண்களைப் பெற்றிருக்க வேண்டும்.
நீட் தேர்வு எழுதும் விண்ணப்பதாரர்களுக்கு அதிகபட்ச வயது வரம்பு இல்லை. எனினும் விண்ணப்பதாரர்களின் குறைந்தபட்ச வயது ஜனவரி 31, 2023 அன்று 17 வயதாக இருக்க வேண்டும்.
2023 நீட் தேர்வுக்கு பதிவு செய்வது எப்படி?
தேசிய தேர்வு முகமையின் அதிகாரப்பூர்வ இணையதளமான neet.nta.nic.in என்ற இணையதளம் சென்று NEET UG 2023 பதிவு இணைப்பை கிளிக் செய்ய வேண்டும்.
உங்கள் உள்நுழைவு சான்றுகளை உருவாக்கி உள்நுழைய வேண்டும்.
விண்ணப்ப படிவத்தை கவனமாக பூர்த்தி செய்து தேவையான ஆவணங்களை பதிவேற்ற வேண்டும்.
விண்ணப்பக் கட்டணத்தைச் செலுத்தி படிவத்தை சமர்ப்பிக்க வேண்டும்.
விண்ணப்பதாரர்கள் விண்ணப்பத்தை பூர்த்தி செய்த பிறகு கவனமாக சரிபார்க்க வேண்டும்.
விண்ணப்பதாரர்கள் தங்கள் விண்ணப்பப் படிவத்தை எதிர்கால குறிப்புக்காக டவுன்லோடு செய்து கொள்ளலாம்.