நயன்தாராவின் திருமண ஒளிபரப்பு: தவறாக புரிந்து கொண்ட ஊடகங்கள்!

லேடி சூப்பர்ஸ்டார் நயன்தாரா, இயக்குனர் விக்னேஷ் சிவனை வரும் ஒன்பதாம் தேதி திருமணம் செய்ய இருக்கும் நிலையில் இந்த திருமணம் குறித்த வீடியோ நெட்பிளிக்ஸ் ஓடிடி தளத்தில் விரைவில் ஒளிபரப்பாக இருப்பதாக தகவல்கள் வெளியாகியுள்ளன.

மேலும் இந்த திருமணம் குறித்த வீடியோவை இயக்குவது பிரபல இயக்குனர் கௌதம் மேனன் என்றும் கூறப்பட்டு வருகிறது. இந்த நிலையில் நயன்தாரா தனது திருமண வீடியோவை கூட வியாபாரம் செய்யும் அளவுக்கு தரம் தாழ்ந்து போய் விட்டார் என ஒரு சில ஊடகங்கள் செய்தி வெளியிட்டு வருகின்றன.

ஆனால் நயன்தாரா தரப்பில் இதுகுறித்து விசாரித்தபோது தனது திருமணத்திற்கு தனது ரசிகர்கள் அனைவரையும் அழைக்க வேண்டும் என்று ஆசைதான் என்றும், ஆனால் சந்தர்ப்பம் அதற்கு இடம் தரவில்லை என்றும், எனவே தனது திருமணத்தை அனைவரும் பார்க்க வேண்டும் என்ற நல்ல நோக்கத்திற்காக தான் அதை வீடியோவாக எடுத்து நெட்ப்ளிக்ஸ் இணையதளத்தில் ஒளிபரப்ப ஏற்பாடு செய்து உள்ளோம் என்றும் கூறினர்.

இதற்கு பெரிய தொகை எல்லாம் அவர்களிடம் இருந்து வாங்கவில்லை அதுமட்டுமின்றி கௌதம் மேனனுக்கு இந்த திருமண வீடியோவை இயக்குவதற்கு மிகப்பெரிய சம்பளத்தை தனது கையில் இருந்துதான் நயன்தாரா கொடுத்துள்ளதாகவும் அவரது தரப்பில் இருந்து கூறப்பட்டு வருகிறது.

நேரில் அழைக்க முடியாத ரசிகர்கள் தனது திருமணத்தை வீட்டிலிருந்தே கண்டு களிக்க வேண்டும் என்ற நோக்கத்தில் நயன்தாரா செய்துள்ள இந்த ஏற்பாட்டை, வியாபாரம் என்று சில ஊடகங்கள் தவறாக செய்திகளை வெளியிட்டு வருவதாகவும் நயன்தாரா தரப்பினர் தெரிவித்துள்ளனர்.