சினிமா செய்திகள்
நயன்தாரா.. கீர்த்தி சுரேஷ் சம்மதத்துக்குகாக காத்திருக்கும் தலைவர் 166!
காலா, பேட்ட படங்களை தொடர்ந்து தலைவர் 166 படத்திலும் ரஜினிக்கு இரண்டு நாயகிகளாம். ஆனால், இந்த முறை பாலிவுட் ஹீரோயின்களை இறக்காமல் பேட்ட படத்தை போலவே இரண்டு முன்னணி நாயகிகளை கொண்டு படத்தை எடுக்க இயக்குநர் ஏ.ஆர். முருகதாஸ் முடிவு செய்துள்ளார்.
சர்கார் படத்தை தொடர்ந்து இயக்குநர் ஏ.ஆர். முருகதாஸ், ரஜினியின் 166வது படத்தை இயக்கவுள்ளார். தளபதி படத்திற்கு பிறகு ரஜினிக்கு இந்த படத்திற்கு ஒளிப்பதிவு செய்கிறார் சந்தோஷ் சிவன். இந்நிலையில், நயன்தாரா, கீர்த்தி சுரேஷ் என இரண்டு பெரிய கதாநாயகிகளை ரஜினிக்கு ஜோடியாக முருகதாஸ் முடிவு செய்துள்ளார்.
இதற்கான பேச்சுவார்த்தைகள் நடைபெற்று வருவதாகவும், இருவரும் ஓகே சொல்லும் பட்சத்தில் நாயகிகள் குறித்த அறிவிப்பையும், ஃபர்ஸ்ட் லுக் போஸ்டரையும் வெளியிட படக்குழு தயாராக உள்ளதாக தகவல்கள் வெளியாகி உள்ளன.
முன்னதாக ரஜினியுடன் சந்திரமுகி மற்றும் குசேலன் படத்தில் நயன்தாரா நடித்துள்ளார். கீர்த்தி சுரேஷ் முதன்முறையாக ரஜினியுடன் ஜோடி சேரும் வாய்ப்பை பெறுவாரா? என்பது விரைவில் தெரிந்துவிடும்.