கிரிக்கெட்
தன் உருவம் பதித்த ஜட்டியை அணிந்திருந்த நாதன் லயன்; ட்ரோல் செய்த ஐசிசி!
ஆஸ்திரேலிய கிரிக்கெட் அணியின் சுழற்பந்து வீச்சாளர் நாதன் லயன், செய்த காரியம் ஒன்றை கண்டுபிடித்து ட்ரோல் செய்துள்ளது சர்வதேச கிரிக்கெட் சம்மேளனமான ஐசிசி.
அதாவது, நாதன் லயன், தன் உருவம் பதிக்கப்பட்ட ஜட்டியையே அணிந்து, கிரிக்கெட் பயிற்சியில் ஈடுபட்டுள்ளார். இதை ஜூம் செய்து படம் பிடித்துள்ள ஐசிசி, ‘தனக்கு விக்கெட் கிடைக்க வேண்டும் என்பதால் வேற லெவலுக்கு சென்று அப்பீல் செய்கிறார் லயன்’ என்று ட்விட்டரில் புகைப்படத்தைப் பகிர்ந்து கேலி செய்துள்ளது.
Gazza takes appealing to a whole new level ???? pic.twitter.com/ioMPHOjhwg
— ICC (@ICC) January 1, 2021
இந்தப் படத்தைப் பல கிரிக்கெட் ரசிகர்களும் தங்களது சமூக வலைதளப் பக்கங்களில் பகிர்ந்து டிரெண்ட் ஆக்கி வருகின்றனர். இந்திய – ஆஸ்திரேலிய கிரிக்கெட் அணிகளுக்கு இடையில் நடந்து வரும் டெஸ்ட் தொடரில் நாதன் லயனின் பங்கு மிக முக்கியமானது. ஆஸ்திரேலியாவின் முக்கிய சுழற்பந்து வீச்சாளரான லயன், இதுவரை இந்தியர்களுக்கு அதிக அச்சுறுத்தல் கொடுக்கவில்லை. ஆனால், வரும் போட்டிகளில் அவரின் ஆட்டம் நிச்சயம் இந்திய பேட்ஸ்மேன்களுக்கு நெருக்கடி கொடுக்கும் என்று எதிர்பார்க்கப்படுகிறது.