சினிமா
ஒரு தடவை உண்மையா இருந்து பாரு உன் லைஃபே மாறும்.. மிரட்டும் கஸ்டடி டிரெய்லர்!
மாநாடு படத்திற்கு பிறகு இயக்குநர் வெங்கட் பிரபு வேறலெவலில் மிரட்டப் போவது உறுதி என தற்போது வெளியாகி உள்ள கஸ்டடி படத்தின் ட்ரெய்லரை பார்த்தாலே புரிகிறது.
இயக்குநர் வெங்கட் பிரபு இயக்கத்தில் பைலிங்குவல் படமாக உருவாகி உள்ள கஸ்டடி படத்தில் கலக்க காத்திருக்கிறார் நாக சைதன்யா.
நாக சைதன்யாவுக்கு ஜோடியாக இந்த படத்தில் க்ரித்தி ஷெட்டி நடித்துள்ள நிலையில், முக்கிய கதாபாத்திரங்களில் பிரியாமணி, சரத்குமார், அரவிந்த் சாமி, கயல் ஆனந்தி, பிரேம்ஜி உள்ளிட்ட பலர் நடித்துள்ளனர்.
சாதாரண கான்ஸ்டபிள் பவர் ஃபுல் வில்லனை நீதிமன்றத்தில் ஒப்படைக்க எந்தளவுக்கு போராடுகிறார் என்கிற ஒன்லைனை வைத்து அனல் பறக்கும் ஆக்ஷன் படத்தை உருவாக்கி இருக்கிறார் இயக்குநர் வெங்கட் பிரபு.
முதலமைச்சராக பிரியாமணி இந்த படத்தில் நடித்து இருப்பது போல ட்ரெய்லரில் தெரிகிறது. அரவிந்த் சாமி மற்றும் சரத்குமார் இருவருமே வில்லன்களாக மிரட்டி எடுக்கின்றனர்.
நாக சைதன்யாவின் தமிழ் டப்பிங் மட்டுமே படத்தில் துருத்திக் கொண்டு இருந்தாலும், நடிப்பாலும், ஆக்ஷனாலும் வேறலெவல் நடிப்பை கொடுத்திருக்கிறார் நாக சைதன்யா.
வரும் மே 12ம் தேதியே இந்த படம் வெளியாக உள்ள நிலையில், பக்காவான ட்ரெய்லரை இறக்கி ப்ரமோஷனை படக்குழுவினர் ஆரம்பித்துள்ளனர். அமீர் கான் உடன் இணைந்து பாலிவுட்டில் அறிமுகமான நாக சைதன்யாவுக்கு லால் சிங் சத்தா படம் சொதப்பிய நிலையில், இந்த முறை தமிழ் மற்றும் தெலுங்கில் கன்ஃபார்ம் வசூல் வேட்டை நடத்துவார் என எதிர்பார்க்கப்படுகிறது.
[youtube https://www.youtube.com/watch?v=oiNHSwGX5yI]