7 விக்கெட்டுக்கள் வித்தியாசத்தில் மும்பை அணி வெற்றி: ராஜஸ்தானுக்கு மீண்டும் ஒரு தோல்வி

இன்று நடைபெற்ற ராஜஸ்தான் மற்றும் மும்பை அணிகளுக்கு இடையிலான போட்டியில் மும்பை அணி 7 விக்கெட் வித்தியாசத்தில் அபாரமாக வெற்றி பெற்றது. இன்றைய போட்டியில் மும்பை அணி டாஸ் வென்றது அடுத்து முதலில் பந்து வீச முடிவு செய்தது. இதனை அடுத்து ராஜஸ்தான் அணி முதலில் களத்தில் இறங்கி 20 ஓவர்களில் 4 விக்கெட் இழப்பிற்கு 171 ரன்கள் அடித்தது. கேப்டன் சஞ்சு சாம்சன் 42 ரன்களும் பட்லர் 41 ரன்களும் ஷிவம் துபே 35 ரன்களும் எடுத்தனர்

இதனை அடுத்து 172 ரன்கள் என்ற இலக்கை நோக்கி விளையாடிய மும்பை அணி 18.3 ஓவர்களில் 3 விக்கெட்டுகளை மட்டுமே இழந்து 172 ரன்கள் எடுத்ததால் 7 விக்கெட் வித்தியாசத்தில் வெற்றி பெற்றது

அந்த அணியின் குவிண்டன் டீகாக் 50 பந்துகளில் 70 ரன்கள் குவித்து அணியின் வெற்றிக்கு உதவினார். அதேபோல் க்ருணால் பாண்ட்யா 39 ரன்கள் எடுத்தார் என்பது குறிப்பிடத்தக்கது இந்த வெற்றியின் மூலம் மும்பை அணி 6 புள்ளிகளுடன் தற்போதைய நான்காவது இடத்தை தக்கவைத்துக் கொண்டது என்பது குறிப்பிடத்தக்கது

இன்றைய போட்டியின் தோல்வி மூலம் ராஜஸ்தான் அணி இதுவரை நான்கு போட்டிகளில் தோல்வி அடைந்துள்ளது என்பதும், புள்ளிப்பட்டியலில் அந்த அணி 7வது இடத்தில் உள்ளது என்பதும் குறிப்பிடத்தக்கது.