சினிமா செய்திகள்
மிஸ்டர் லோக்கலாக வருகிறாரா சிவகார்த்திகேயன்?
சீமராஜா படத்தை தொடர்ந்து சிவகார்த்திகேயன் தனது தயாரிப்பில் வெளியான கனா படத்தில் சிறப்பு தோற்றத்தில் கிளைமேக்ஸ் காட்சியில் தோன்றி நம்பிக்கை ஊட்டும் வசனங்களை பேசி புத்தணர்ச்சி அளித்தார்.
இந்நிலையில், தற்போது ராஜேஷ் இயக்கத்தில் சிவகார்த்திகேயன் நடிப்பில் அடுத்ததாக வெளியாகவுள்ள படத்திற்கு மிஸ்டர் லோக்கல் என தலைப்பு வைக்கப்பட்டுள்ளதாக நம்பத் தகுந்த வட்டாரங்களில் இருந்து செய்திகள் கசிந்துள்ளன.
ஆனால், இதனை ஒரு சில நாட்களில் படக்குழு அதிகாரப்பூர்வமாக ஃபர்ஸ்ட் லுக் போஸ்டருடன் வெளியிடும் என எதிர்பார்க்கப்படுகிறது.
வேலைக்காரன் படத்திற்கு பிறகு நயன்தாரா இந்த படத்தில் சிவகார்த்திகேயனுக்கு ஜோடியாக நடித்துள்ளார்.
சீமராஜா, கனா படங்களில் மிஸ்ஸான காமெடி சிவகார்த்திகேயனை இந்த படத்தில் ராஜேஷ் கம் பேக் செய்வார் என்ற எதிர்பார்ப்பு ரசிகர்கள் மத்தியில் எழுந்துள்ளது.
