சினிமா
4000 தியேட்டர்களில் ரிலீசாகும் மோகன் லால் படம்!
புலி முருகன் படத்தை தொடர்ந்து அடுத்த பிரம்மாண்ட படைப்பை மோகன் லால் உருவாக்கியுள்ளார். ஒடியன் எனும் பெயரில் உருவாகியுள்ள இப்படம் வரும் டிசம்பர் 14ம் தேதி திரைக்கு வருகிறது. கிறிஸ்துமஸ் தின கொண்டாட்ட படமாக இந்த திரைப்படம் ரிலீசாகவுள்ள நிலையில், இப்படத்தை உலகம் முழுவதும் 4000 தியேட்டர்களில் பிரம்மாண்டமாக ரிலீஸ் செய்ய படக்குழு திட்டமிட்டுள்ளது.
அறிமுக இயக்குநர் ஸ்ரீகுமார் மேனன் இயக்கியுள்ள இந்த படம், முதன் முறையாக ஜப்பான், போலந்து, நியூசிலாந்து, ஆஸ்திரேலியா உள்ளிட்ட நாடுகளிலும் ரிலீஸ் செய்யப்பட திட்டமிடப்பட்டுள்ளது. இதுவரை 3000 தியேட்டர்களில் படத்தை ரிலீஸ் செய்ய ஒப்பந்தம் செய்துவிட்டனராம். மீதம் 1000 தியேட்டர்களுடன் ஒப்பந்தம் செய்ய படக்குழு வெளிநாடுகளுக்கு பறந்து வருகிறது.
