இந்தியா
நான் உயிருடன் இருக்கும் வரை மோடிதான் பிரதமராக இருக்க வேண்டும்: பிரபல நடிகர் கருத்து!
நடந்து முடிந்த மக்களவை தேர்தலில் பாஜக மெகா வெற்றியை பெற்றதன் மூலம் நரேந்திர மோடி இரண்டாவது முறையாக கடந்த வியாழன் அன்று பிரதமராக பதவியேற்றார். இந்த பதவியேற்பு விழா வெகு விமரிசையாக டெல்லியில் உள்ள குடியரசுத்தலைவர் மாளிகையில் நடைபெற்றது.
இந்த பதவியேற்பு விழாவிற்கு 8000 பேருக்கு மேல் வந்ததாக கூறப்படுகிறது. பல்வேறு நாடுகளின் தலைவர்கள், அரசியல் கட்சியினர், சினிமா பிரபலங்கள் என பலரும் இந்த விழாவில் கலந்துகொண்டனர். இந்நிலையில் மோடியின் பதவியேற்பு விழாவில் பாலிவுட் நடிகர் ஜிதேந்திராவும் கலந்துகொண்டுள்ளார்.
அதன்பின்னர் செய்தியாளர்களை சந்தித்து பேட்டியளித்த அவர், நான் உயிருடன் இருக்கும் வரை மோடியே இந்திய பிரதமராக இருக்க வேண்டும் என்று விரும்புகிறேன். இது வரலாற்று சிறப்புமிக்க தருணம் ஆகும். நான் மோடிஜியின் தீவிர ரசிகன். இந்த நாடு நல்ல மனிதரின் கையில் தான் உள்ளது என்று நினைக்கிறேன் என்றார் அவர்.