தமிழ்நாடு
மீண்டும் கொளத்தூரில் போட்டியிடும் முக ஸ்டாலின்: எதிர்த்து போட்டியிடுவது இந்த பிரபலமா?
திமுக தலைவர் முக ஸ்டாலின் அவர்கள் மீண்டும் கொளத்தூரில் போட்டியிட திட்டமிடப்பட்டுள்ளதை அடுத்து அவரை எதிர்த்து பாஜகவில் பிரபலம் ஒருவர் போட்டியிடப் போவதாக தகவல்கள் வெளிவந்து கொண்டிருக்கின்றன.
தமிழகத்தில் ஏப்ரல் 6-ஆம் தேதி தேர்தல் நடைபெற இருக்கும் நிலையில் கூட்டணி குறித்த பேச்சுவார்த்தைகள், தொகுதி உடன்பாடுகள், போட்டியிடும் தொகுதியில் விருப்ப மனுக்கள் ஆகிய பணிகள் விறுவிறுப்பாக நடைபெற்று வருகிறது.
இந்த நிலையில் கொளத்தூர் தொகுதியில் மூன்றாவது முறையாக போட்டியிட சென்னை அண்ணா அறிவாலயத்தில் அமைப்பு செயலாளர் ஆர்எஸ் பாரதி அவர்களிடம் திமுக தலைவர் முக ஸ்டாலின் அவர்கள் இன்று விருப்ப மனு அளித்தார். ஏற்கனவே அவர் கடந்த 2011, 2016 ஆகிய ஆண்டுகளில் நடந்த சட்டப்பேரவை தேர்தலில் கொளத்தூரில் போட்டியிட்டு வெற்றி பெற்றுள்ளார் என்பது குறிப்பிடத்தக்கது. இதனை அடுத்து 2021 ஆம் ஆண்டிலும் அவர் அதே கொளத்தூர் தொகுதியில் போட்டியிட உள்ளார் என்பது குறிப்பிடத்தக்கது.
