சினிமா செய்திகள்
திருமண நிகழ்ச்சியில் பாட்டு பாடி அசத்திய அமைச்சர் மாஃபா பாண்டியராஜன் – வைரல் வீடியோ!
சசிகலா வருகையால் அதிமுகவே ஒரு பக்கம் அறண்டு போய் இருக்கும் நிலையில், தமிழ் வளர்ச்சித் துறை அமைச்சர் மாஃபா பாண்டியராஜன், ஜாலி மோடில் இருக்கிறார்.
அவர் தமிழகத்தில் சமீபத்தில் நடந்த நண்பர் வீட்டுத் திருமண விழாவில் தன் மனைவியுடன் சென்று கலந்து கொண்டார். அப்போது மேடையில் பழைய எம்.ஜி.ஆர் பாட்டுகளை, கச்சேரி செய்தவர்கள் பாடிக் கொண்டிருந்தனர். இதைப் பார்த்து உற்சாகம் அடைந்த அமைச்சரும் மேடைக்கு சென்றுள்ளார். மைக் ஒன்றை வாங்கி அவரும் கச்சேரிக் கலைஞர்களுடன் இணைந்து பாட்டுப் பாடி அசத்தியுள்ளார்.
இல்ல திருமண விழாவில் மாண்புமிகு அமைச்சர் @mafoikprajan அவர்கள் பாடிய பாடல். pic.twitter.com/jsU3VUXadw
— Avadisiraj (@avadisiraj) February 9, 2021
இதை சற்றும் எதிர்பாராத திருமண நிகழ்ச்சிக்கு வந்திருந்தவர்கள், மகிழ்ச்சியில் ஆர்ப்பரித்துள்ளனர். இந்த நெகிழ்ச்சி சம்பவம் குறித்தான வீடியோ தற்போது சமூக வலைதளங்களில் டிரெண்ட் ஆகி வருகிறது.
சென்னை, ஆவடி தொகுதியின் சட்டமன்ற உறுப்பினரான மாஃபா பாண்டியராஜன், மீண்டும் அதே தொகுதியில் வரும் சட்டமன்றத் தேர்தலிலும் போட்டியிடுவார் என்று எதிர்பார்க்கப்படுகிறது. அதிமுகவில் சசிகலா – எடப்பாடி பழனிசாமிக்கு இடையே அதிகாரத்தைக் கைப்பற்றுவதில் நடந்து வரும் பனிப் போரில் இது நாள் வரை எடப்பாடி முகாமுக்கு ஆதரவாக இருந்து வருகிறார் பாண்டியராஜன். அதே நேரத்தில், சசிகலாவுக்கு எதிராகவும் அவர் எந்த வித கருத்தையும் சொல்லாமல் தவிர்த்து வருகிறார் என்பது குறிப்பிடத்தக்கது.