தமிழ்நாடு
மதிமுக போட்டியிடும் 6 தொகுதிகள்: உதயசூரியன் சின்னத்தில் போட்டி!
திமுக கூட்டணியில் இடம் பெற்றுள்ள வைகோவின் மறுமலர்ச்சி முன்னேற்ற திராவிட கழகம் 6 தொகுதிகளை பெற்றது என்பது குறித்த செய்தியை ஏற்கனவே பார்த்தோம். இது குறித்த ஒப்பந்தத்தில் திமுக தலைவர் முக ஸ்டாலின் மற்றும் மதிமுக பொதுச் செயலாளர் வைகோ ஆகியோர் கையெழுத்திட்டனர்.
இந்த நிலையில் மதிமுகவுக்கு ஒதுக்கப்பட்ட 6 தொகுதிகள் எவை எவை என்பது குறித்த ஆலோசனை கடந்த சில நாட்களாக நடைபெற்று வந்த நிலையில் தற்போது அந்த ஆறு தொகுதிகள் உறுதி செய்யப்பட்டுள்ளன.
திமுக கூட்டணியில் இடம் பெற்றுள்ள மதிமுகவுக்கு ஒதுக்கப்பட்ட ஆறு தொகுதிகள் பின்வருமாறு:
1. சாத்தூர்
2. பல்லடம்
3. மதுரை தெற்கு
4. வாசுதேவநல்லூர்
5. மதுராந்தகம்
6. அரியலூர்
மேலும் மேற்கண்ட 6 தொகுதிகளிலும் மதிமுக வேட்பாளர்கள் உதயசூரியன் சின்னத்தில் போட்டியிடுவார்கள் என்றும் அறிவிக்கப்பட்டுள்ளது.