விக்ரம்-துருவ் படத்தில் இணையும் ’மாஸ் சூப்பர்ஸ்டார்’..!

விக்ரம் தனது 60-வது படத்தில் மகன் துருவ் விக்ரம் உடன் இணைந்து நடித்து வருகிறார் என்ற செய்தி அனைவருக்கும் தெரிந்ததே.

இந்த சூழலில் விக்ரம்- துருவ் கூட்டணியில் புதிதாக மாஸ் சூப்பர்ஸ்டார் ஒருவரும் இணைந்துள்ளார். விக்ரம்- துருவ் படத்துக்கு இன்னும் பெயர் வைக்கவில்லை. ஆனால், இந்தப் படத்தை ஹிட் படங்களுக்குப் பெயர் போன பீட்சா இயக்குநர் கார்த்திக் சுப்புராஜ் இயக்கி வருகிறார். 7 ஸ்கிரீன் ஸ்டுடியோஸ் லலித் குமார் தயாரித்து வருகிறார்.

விக்ரம்- துருவ் கூட்டணியில் புதிதாக இணைந்த அந்த சூப்பர் ஸ்டார் சிவ ராஜ்குமார். கன்னட திரைப்பட உலகில் மாஸ் சூப்பர் ஸ்டார் ஆக வலம் வந்து கொண்டிருப்பவர் சிவ ராஜ்குமார். ஒரு மிகப்பெரிய கதாபாத்திரத்துக்காகத் தான் சிவ ராஜ்குமார் தமிழ் சினிமாவுக்குக் கொண்ட வரப்படுகிறார் எனக் கூறப்படுகிறது. கூடுதலாக, இரண்டாவது படத்திலேயே தந்தையின் 60-வது படத்தில் துருவ் நடிப்பதால் இருவரின் ரசிகர்கள் மத்தியிலும் இது பெரும் எதிர்பார்ப்பை ஏற்படுத்தி உள்ளது.