விளையாட்டு
மேரிகோம் உலக சாதனை: 6-வது முறையாக உலக சாம்பியன் பட்டம்!
டெல்லியில் நடைபெற்ற உலகக்கோப்பை மகளிர் குத்துச்சண்டை போட்டியில் இந்தியாவின் மேரிகோம் தங்கப்பதக்கம் வென்றுள்ளார். ஆறாவது முறையாக உலக சாம்பியன் பட்டம் வென்று மேரிகோம் புதிய உலக சாதனை படைத்துள்ளார்.
கடந்த சில தினங்களுக்கு முன்னர் டெல்லியில் தொடங்கிய உலகக்கோப்பை மகளிர் குத்துச்சண்டை போட்டியில் பல்வேறு நாடுகளை சேர்ந்த குத்துச்சண்டை வீராங்கணைகள் பங்கேற்றனர். இதில் 48 கிலோ பிளைவெயிட் பிரிவில் இறுதிப்போட்டி இன்று நடைபெற்றது. இந்த இறுதிப்போட்டியில் இந்தியாவின் மேரிகோம், உக்ரைனின் ஹன்னா ஒகோடாவை எதிர்கொண்டார்.
மூன்று சுற்றுகள் கொண்ட இந்த போட்டியில் மேரிகோம் 5-0 என்ற கணக்கில் உக்ரைன் விராங்கணையை வீழ்த்தி தங்கப்பதக்கத்தை வென்றார். இந்த வெற்றியின் மூலம் 6-வது முறையாக சாம்பியன் பட்டம் வென்று புதிய உலக சாதனையை படைத்துள்ளார் மேரிகோம். மேலும் இந்த வெற்றியை அவர் நாட்டிற்கு அர்பணிப்பதாக தெரிவித்துள்ளார்.